கருணாநிதி தலைமையில் ஜன. 7ல் திமுக எம்.எல்.ஏக்கள் கூட்டம்

சென்னை: திமுக சட்டமன்ற உறுப்பினர்கள் கூட்டம் வருகிற 7ம் தேதி சென்னையில் முதல்வர் கருணாநிதி தலைமையில் நடைபெறுகிறது.

இதுகுறித்து அரசு தலைமைக் கொறடா சக்கரபாணி வெளியிட்டுள்ள அறிக்கையில், திமுக சட்டமன்ற உறுப்பினர்கள் கூட்டம் ஜனவரி 7ம் தேதி முதல்வர் கருணாநிதி தலைமையில் நடைபெறுகிறது.

அன்றைய தினம் மாலை 5 மணிக்கு சென்னை அண்ணா அறிவாலயத்தில் நடைபெறும் இக்கூட்டத்தில் திமுக எம்.எல்.ஏக்கள் அனைவரும் தவறாமல் கலந்து கொள்ள வேண்டும் என்று கேட்டுக் கொண்டுள்ளார்.

திமுகவையும், முதல்வர் கருணாநிதியையும், திமுக அரசையும் தொடர்ந்து இளங்கோவன் சாடிவருகிறார். திமுக, காங்கிரஸ் உறவு குறித்து மீடியாக்கள் பல்வேறு செய்திகளை வெளியிடுகின்றன. நேற்று சென்னை வந்த பிரதமரை முதல்வர் நேரில் போய் சந்திக்கவில்லை. மாறாக இன்று காலை சந்தித்தார்.

இந்த பரபரப்பான சூழலில் சட்டமன்ற உறுப்பினர்கள் கூட்டத்தை திமுக கூட்டியுள்ளது.

English summary

DMK has convened its MLAs' meeting on Jan 7. The meeting will be held in Anna Arivalayam under the leadership of CM Karunanidhi. All the MLAs are asked to attend the meeting without fail.