கல்மாடியின் உதவியாளர்கள் வீடுகளில் மீண்டும் ரெய்டு-4வது வழக்குப் பதிவு
நேற்று சுரேஷ் கல்மாடியிடம் கிட்டத்தட்ட 9 மணி நேரம் விசாரணை நடந்தது. இதில் பல கேள்விகளுக்கு அவர் சரியான பதில் சொல்லவில்லை என்று கூறப்படுகிறது. நழுவலான, மழுப்பலான பதிலையே அவர் கூறியுள்ளார். நேரடி பதிலை அவர் தரவில்லை.. இதனால் மீண்டும் அவரிடம் விசாரணை நடத்தப்படும் எனத் தெரிகிறது.
இந்த நிலையில் டெல்லியில் உள்ள 10 இடங்களில் இன்று அதிகாலையில், சிபிஐ திடீர் ரெய்டில் குதித்தது. இவை அனைத்தும் கல்மாடியின் உதவியாளர்களின் வீடுகள் ஆகும்.
இதற்கிடையே காமன்வெல்த் போட்டி ஊழல் தொடர்பாக நான்காவது வழக்கைப் பதிவு செய்துள்ளது சிபிஐ. நான்கு நிறுவனங்களுக்கு கான்டிராக்ட் தரப்பட்டது தொடர்பான நிதி முறைகேடு தொடர்பாக இந்த வழக்குப் பதிவு செய்யப்பட்டுள்ளது. இந்த கான்டிராக்டுகளின் மொத்த அளவு ரூ. 600 கோடி என்பது குறிப்பிடத்தக்கது.
இன்று காலை நடந்த ரெய்டுகளும் கூட இந்த நான்கு நிறுவனங்கள் தொடர்பான முக்கியத் தகவல்களைக் கண்டுபிடிக்கத்தான் என்று கூறப்பட்டுள்ளது.
ஏற்கனவே க்வீன்ஸ் பேட்டன் ரிலே மோசடி தொடர்பாக 2 வழக்குகளையும், கான்டிராக்டுகள் தொடர்பாக ஒரு வழக்கும் என மூன்று வழக்குகளை சிபிஐ பதிவு செய்துள்ளது குறிப்பிடத்தக்கது.
Click it and Unblock the Notifications
Sign in with Google
