இந்த வாரம் 18.32 சதவீதம்... பயமுறுத்தும் உணவுப் பணவீக்கம்!!

டெல்லி: வெங்காயம் மற்றும் தக்காளியின் 'புண்ணியத்தில்' உணவுப் பணவீக்கம் இந்த வாரம் பயமுறுத்தும் அளவுக்கு உயர்ந்துள்ளது.

கடந்த டிசம்பர் 25-ம் தேதியுடன் முடிவடைந்த வாரத்தில் 3.88 சதவீதம் உணவுப் பணவீக்கம் உயர்ந்துள்ளது. இதன் மூலம் 14.44 சதவீதமாக இருந்த உணவுப் பணவீக்கம் இப்போது 18.32 சதவீதமாக உயர்ந்துள்ளது.

கடந்த ஆண்டு 19.90 சதவீதமாக இருந்ததுதான் அதிகபட்ச உணவுப் பணவீக்க அளவாகும். இந்த முறை அதையும் மிஞ்சி விடும் என்று கூறப்படுகிறது.

மொத்த விலை சந்தையில் காய்கறிகளின் விலை மட்டும் இந்த காலகட்டத்தில் 58.58 சதவீதம் உயர்ந்துள்ளது. இதில் வெங்காயத்தின் விலை மட்டும் 82.47 சதவீதம் உயர்ந்துள்ளது. முட்டை மற்றும் மீன் விலை 20.83 சதவீதம் வரை உயர்ந்துள்ளது.ய பழங்கள் விலை 20 சதவீத உயர்வு கண்டுள்ளது.

இந்த ஆபத்தான விலை உயர்வைக் கட்டுப்படுத்த ரிசர்வ் வங்கி தனது பணவியல் கொள்கைகளில் மாறுதல் கொண்டு வரும் எனத் தெரிகிறது.

நாட்டின் ஒட்டுமொத்த பணவீக்கம் 7.75 சதவீதத்திலிருந்து 8.58 சதவீதமாக உயர்ந்துள்ளது.

English summary

Soaring onion and other vegetables' prices led to a sharp rise in inflation at 18.32 per cent for the week ended December 25, a development that may prompt the Reserve Bank to tighten monetary policy to check further escalation in commodity costs. Food inflation jumped up by 3.88 percentage points from 14.44 per cent recorded in the previous reporting week, and edged closer to the high level of 19.90 per cent, last witnessed a year ago. The overall inflation in November had come down to 7.75 per cent from 8.58 per cent a month ago.