வெங்காய ஏற்றுமதிக்கு பாகிஸ்தான் திடீர் தடை!

அமிர்தசரஸ்: வாஹா-அட்டாரி தரைப் பகுதி வழியாக இந்தியாவுக்கு வெங்காயம் ஏற்றுமதி செய்வதை பாகிஸ்தான் முழுமையாகத் தடை செய்துள்ளது. இதனால் இந்தியாவுக்கு வரவேண்டிய 1500 டன் வெங்காயம் குறித்த நேரத்தில் வர முடியாத நிலை உள்ளது.

அமிர்தசரஸ் சுங்கத்துறை துணை கமிஷனர் ஆர்.கே.துக்கல் இதைத் தெரிவித்தார். இந்தத் தடையையடுத்து வெங்காயத்தைக் கொண்டுவரும் எந்த லாரியையும் பாகிஸ்தான் நிர்வாகிகள் அனுமதிக்கவில்லை.

இந்தத் திடீர் தடையால் இரு நாடுகளிலும் உள்ள வர்த்தகர்கள் பெரிதும் பாதிக்கப்பட்டுள்ளனர். ஏற்கனவே ஒப்பந்தம் செய்திருந்த 1500 டன் வெங்காயத்தை வழங்குவதற்கு பாகிஸ்தான் அனுமதிக்கவில்லை என இந்திய இறக்குமதியாளர்கள் தெரிவித்தனர்.

இந்தியாவுக்கு வெங்காயம் வழங்கும் கான்ட்ராக்ட்டுக்கு பாகிஸ்தானின் சுங்கத்துறை அதிகாரிகள் அனுமதி அளித்துவிட்ட நிலையில் ஏன் அதைத் தடுத்து நிறுத்த வேண்டும் என அமிர்தசரஸைச் சேர்ந்த காய்கறி வர்த்தகர்கள் கேள்வி எழுப்பினர்.

English summary

In a diplomatic move, Pakistan government imposed an indirect ban on the export of onions to India which could once again shoot up the onion price in local market after earlier respite. According to reports, Pakistan government through a notification banned the export of onions to India via Wagah-Attari route. However, it didn't impose any such ban on export vial rail route.