கச்சா எண்ணெய் பேரலுக்கு 89 டாலராகக் குறைந்தது!

சிங்கப்பூர்: ஆசிய சந்தையில், கச்சா எண்ணெயின் விலை பேரலுக்கு 89 டாலர்களாக குறைந்துள்ளது.

டாலரின் மதிப்பு உயர்ந்து வருவதன் எதிரொலியாகவே இந்த வீழ்ச்சி என்று வர்த்தகர்கள் தெரிவித்துள்ளனர்.

கடந்த டிசம்பர் மாதத்தில், எண்ணெய் நிறுவனங்களில் பணிவாய்ப்புகள் அதிகரித்திருப்பதாக பொருளாதார வல்லுனர்கள் தெரிவித்துள்ளனர். இந்தாண்டின் இறுதிக்குள் கச்சா எண்ணெய் விலை 100 அமெரிக்க டாலர்களைத் தொடும் என்று கூறிவந்தனர்.

ஆனால், ஐரோப்பாவின் பொது நாணயமான யூரோவின் மதிப்பு குறைந்து கொண்டே செல்ல, அமெரிக்க டாலரின் மதிப்பு உயர்ந்து வருகிறது. இதன் விளைவாக கச்சா எண்ணெயின் விலை குறைந்துள்ளது.

ஆசிய சந்தையில் 89 டாலராக இருந்த கச்சா எண்ணெய் மதிப்பு, நியூயார்க் சந்தையில் 88 டாலராக இருந்தது. பிப்ரவரி மாதத்துக்கான பிரன்ட் நார்த் சீ கச்சா எண்ணெய் விலை 76 சென்ட்கள் குறைந்து 93 டாலராக உள்ளது.

English summary

Oil prices were down in Asian trade Friday as a stronger dollar made the commodity more expensive and doubts emerged over sustained energy demand in the United States, analysts said. New York's main contract, light sweet crude for February delivery, fell three cents to $88.34 per barrel, losing earlier gains. Brent North Sea crude for February eased 76 cents to $93.76.