கடும் பனி மூட்டம்... டெல்லி விமானங்கள் ரத்து, தாமதம்!

டெல்லி: கடும் குளிர் மற்றும் பனிப் பொழிவு காரணமாக டெல்லி செல்லும் / புறப்படும் பல விமானங்கள் ரத்து செய்யப்பட்டன.

டெல்லி உள்பட வட மாநிலங்களில் கடும் பனியும், குளிரும் நிலவுகிறது. இந்த ஆண்டில் இதுவரை காணாத அளவுக்கு தட்ப வெப்ப நிலை 5 டிகிரிக்கும் கீழ் போய்விட்டது.

டெல்லியில் காலை 8 மணி வரை மூடுபனியாக இருந்தது. இதனால் எதிரே 200 மீட்டர் தூரத்தில் வரும் வாகனங்கள் கண்ணுக்கு தெரியவில்லை. சூரியனே கண்ணுக்கு தெரியவில்லை. மூடுபனி காரணமாக ரெயில்கள் மெதுவாக சென்றன. விமானசேவை கடுமையாக பாதிக்கப்பட்டது.

சிங்கப்பூரில் இருந்து வந்த விமானம் உள்பட 6 விமானங்கள் ஜெய்ப்பூர், ஆமதாபாத், மும்பை, கொல்கத்தா ஆகிய நகரங்களுக்கு திருப்பி விடப்பட்டன. டெல்லியில் இருந்து பெங்களூர், மும்பை செல்லும் விமானங்கள் ரத்து செய்யப்பட்டன. நியூயார்க், சிகாகோ, டோரண்டோ செல்லும் விமானங்களின் நேரம் மாற்றப்பட்டதாக அறிவிக்கப்பட்டது.

English summary

Thick fog that extended till the forenoon continued to ground aircraft at the Delhi airport on Monday. Many flights were cancelled and several other were delayed by over four to five hours.