தமிழகத்தில் இறுதி வாக்காளர் பட்டியல் வெளியிடப்பட்டது

சென்னை தமிழகத்தில் இன்று சட்டசபைத் தேர்தலுக்கான இறுதி வாக்காளர் பட்டியல் வெளியிடப்பட்டது. சென்னையில் உள்ள 16 சட்டசபைத் தொகுதிகளில் மொத்தம் 30 லட்சம் வாக்காளர்கள் உள்ளதாக தெரிவிக்கப்பட்டுள்ளது.

தமிழகத்தில் சட்டசபைத் தேர்தல் நடைபெறவுள்ளது. இதையடுத்து வாக்காளர் பட்டியல் திருத்தப்பட்டுள்ளது. 2011 ஜனவரி 1-ந்தேதியை தகுதி நாளாகக் கொண்டு 18 வயது நிரம்பிய வாக்காளர்கள் சேர்க்கப்பட்டனர். இதையடுத்து இன்று இறுதி வாக்காளர் பட்டியல் வெளியிடப்பட்டது. 234 சட்டசபைத் தொகுதிகளுக்கும் வாக்காளர் பட்டியல் வெளியாகியுள்ளது. இவை அனைத்தும் தொகுதி மறு சீரமைப்பின்படி திருத்தப்பட்ட புதிய தொகுதிகளாகும்.

சென்னையில் 30 லட்சம் வாக்காளர்கள்:

தலைநகர் சென்னையில் தற்போது 16 சட்டசபைத் தொகுதிகள் உள்ளன. இங்கு மொத்தம் 30,23,900 வாக்காளர்கள் உள்ளனர். இவர்களில் ஆண்கள் 15,14,037. பெண்கள் 15,9,571 ஆவர். இவர்கள் தவிர திருநங்கைகளின் எண்ணிக்கை 292 ஆகும்.

பெரம்பூர் தொகுதியில்தான் அதிக அளவிலான வாக்காளர்கள் உள்ளனர். அங்கு 2,20,654 பேர் உள்ளனர். ஆண்கள்தான் அதிகம், அவர்களின் எண்ணிக்கை 1,10,653 பேராகும். பெண்களின் எண்ணிக்கை 1,09,993 பேராகும். 2வது பெரிய தொகுதியாக, வேளச்சேரி தொகுதியில், 2,17,026 பேர் உள்ளனர்.

இறுதி வாக்காளர் பட்டியலில் பெயர் விடுபட்டு இருந்தாலோ, சேர்த்தல், நீக்கல் செய்ய வேண்டி இருந்தாலோ மீண்டும் விண்ணப்பத்தை பூர்த்தி செய்து மண்டல அலுவலகங்களில் கொடுக்க வேண்டும் என்று அறிவிக்கப்பட்டுள்ளது.

மதுரையில் 19 லட்சம் வாக்காளர்கள்:

மதுரை மாட்டத்தில் 10 சட்டசபைத் தொகுதிகளில் 19 லட்சம் வாக்காளர்கள் இடம் பெற்றுள்ளனர்.

கடந்த அக்டோபர் 25ம் தேதி வெளியான வரைவுப் பட்டியலில் 19,25,126 வாக்காளர்கள் இடம் பெற்றிருந்தனர்.

இதில் பெயர்களைச் சேர்க்க 63,565 மனுக்கள் பெறப்பட்டு அதில் 56,243 மனுக்கள் ஏற்கப்பட்டன. நீக்கல் மனுக்கள் 282 பெறப்பட்டு அதில் 148 மனுக்கள் ஏற்கப்பட்டன. துணைப்பட்டியலில் 28,725 ஆண் வாக்காளர்களும், 27,518 பெண் வாக்காளர்களும் ஆக மொத்தம் 56,243 வாக்காளர்கள் உள்ளனர்.

English summary

amil Nadu is getting ready for the assembly polls which is coming shortly. Election commission is pretty busy with the preparation work. As a part of it, it is releasing the final voters list today.