அனைத்து மாவட்டங்களிலும் ஜல்லிக்கட்டு நடத்த நடவடிக்கை-அமைச்சர்

Published: Wednesday, January 12, 2011, 14:00 [IST]

Subscribe to Oneindia Tamil

சென்னை: தற்போது உச்சநீதிமன்றத்தில் வழக்கு நடந்து வருவதால் குறிப்பிட்ட சில மாவட்டங்களில் மட்டும் ஜல்லிக்கட்டு நடத்தப்படுகிறது. இருப்பினும் பிற மாவட்டங்களிலும் ஜல்லிக்கட்டு நிகழ்ச்சியை நடத்த கலெக்டர்கள் மூலம் நடவடிக்கை எடுக்கப்படும் என தமிழக அரசு தெரிவித்துள்ளது.

சட்டசபையில் இன்று இதுகுறித்து காங்கிரஸ் கட்சி கேள்வி எழுப்பியது. அதற்குப் பதிலளித்த ஊரக தொழில்துறை அமைச்சர் பொங்கலூர் பழனிச்சாமி கூறுகையில், தற்போது உச்சநீதிமன்றத்தில் ஜல்லிக்கட்டு தொடர்பாக வழக்கு நடந்து வருகிறது. எனவேதான் குறிப்பிட்ட 3 மாவட்டங்களில் மட்டும் ஜல்லிக்கட்டை நடத்த அனுமதி தரப்பட்டுள்ளது.

இருப்பினும் பிற மாவட்டங்களிலும் வழக்கம்போல ஜல்லிக்கட்டை நடத்தத் தேவையான நடவடிக்கைகளை சம்பந்தப்பட்ட மாவட்ட ஆட்சித் தலைவர்கள் மூலம் எடுக்கப்படும் என்று உறுதியளித்தார்.

Published On January 12, 2011