தலிபான் தலைவர் முல்லா ஒமருக்கு மாரடைப்பு-கராச்சியில் சிகிச்சை பெற உதவிய ஐஎஸ்ஐ

வாஷிங்டன்: தலிபான் தலைவர் முல்லா ஒமருக்கு மாரடைப்பு ஏற்பட்டதாகவும், அவர் கராச்சியில் சிகிச்சை பெற பாகிஸ்தான் உளவு அமைப்பான ஐஎஸ்ஐ அனைத்து உதவிகளையும் செய்துள்ளதாகவும் வாஷிங்டன் போஸ்ட் செய்தி வெளியிட்டுள்ளது.

முல்லா ஒமர் உலகஅளவில் மிக பயங்கரமான தீவிரவாதியாக அறிவிக்கப்பட்டு தேடப்பட்டு வருபவர். ஆப்கானிஸ்தானில் பிறந்தவரான இவர் தலிபான் அமைப்பின் தலைவர் ஆவார். ஆப்கானிஸ்தானை தலிபான்கள் ஆண்டு வந்தபோது அதன் தலைவராக இருந்தவர். இவரை அமெரிக்கா வலை வீசி தேடி வருகிறது. ஆனால் இவர் யாரிடமும் சிக்காமல் இருந்து வருகிறார்.

இந்த நிலையில், முல்லா ஒமருக்கு கடந்த 7ம் தேதி மாரடைப்பு ஏற்பட்டதாகவும், இதையடுத்து அவர் கராச்சி மருத்துவமனைக்குக் கொண்டு வரப்பட்டு சிகிச்சை பெற்றதாகவும் தகவல்கள் வெளியாகியுள்ளன. இந்த சிகிச்சைக்கு ஐஎஸ்ஐதான் உதவி செய்ததாகவும் அந்தத் தகவல் கூறுகிறது.

எக்ளிப்ஸ் என்ற ஒரு தனியார் உளவு நிறுவனம் இந்த செய்தியை வெளியிட்டுள்ளது. முன்னாள் சிஐஏ ஏஜென்ட் ஒருவர் நடத்தும் உளவு அமைப்பாகும் இது.

ஆனால் இந்த செய்தியை பாகிஸ்தான் மறுத்துள்ளது. இதுகுறித்து பாகிஸ்தான் தூதர் ஹூசேன் ஹக்கானி வாஷிங்டனில் கூறுகையில், இது அடிப்படை ஆதாதரமற்ற செய்தி என்றார்.

ஒற்றைக் கண்ணுடன் உலவி வரும் முல்லா ஒமர், பாகிஸ்தான் பகுதியில்தான் பதுங்கியிருப்பதாக அமெரிக்கா உறுதியாக நம்பி வருவது குறிப்பிடத்தக்கது.

English summary

Elusive Taliban leader Mullah Omar, one of the world's most wanted terrorists, was treated in a Karachi hospital with the help of Pakistan's spy agency ISI after he suffered a heart attack, a private intelligence agency has claimed. First reported by The Washington Post on its online edition, the claim by Eclipse Group, however, was immediately refuted by Pakistan. Pakistani Ambassador to the US, Husain Haqqani, said the report had "no basis whatsoever." In its report, Eclipse Group, which is run by former CIA, State Department and military officers, said the one-eyed leader of Afghan Taliban suffered a heart attack on January 7, following which he was treated in a Karachi hospital with the help of Inter Services Intelligence.