பாகிஸ்தானில் கடும் நிலநடுக்கம்-டெல்லியும் அதிர்ந்தது

டெல்லி: பாகிஸ்தானின் தென்மேற்குப் பகுதியில் கடும் நிலநடுக்கம் ஏற்பட்டது. இதன் எதிரொலி டெல்லி உள்ளிட்ட வட இந்தியாவிலும் எதிரொலித்ததால் மக்கள் பீதியடைந்தனர்.

பாகிஸ்தானின் வட மேற்கில், ஈரான், ஆப்கானிஸ்தானையொட்டியுள்ள பாலைவனப்பகுதியில் இன்று அதிகாலையில் சக்தி வாய்ந்த நிலநடுக்கம் ஏற்பட்டது. ரிக்டர்அளவுகோலில் இது 7.4 ரிக்டராக இருந்தது.

பூமிக்குக் கீழே 84 கிலோமீட்டர் ஆழத்தில் பூகம்பம் ஏற்பட்டதாக அமெரிக்க புவியியல் ஆய்வுக் கழகம் தெரிவித்துள்ளது.

இந்த பூகம்பத்தால் என்ன மாதிரியான பாதிப்பு ஏற்பட்டது என்பது விரிவாகத் தெரியவில்லை.

இந்த பூகம்பத்தின் அதிர்வுகள் வட இந்தியாவிலும் தெரிந்தது. டெல்லி, ராஜஸ்தான், ஹரியானாவில் நில அதிர்ச்சியை மக்கள் உணர்ந்துள்ளனர். டெல்லியில் பல பகுதிகளில் வீடுகளில் உள்ள பொருட்கள் ஆடியதால் மக்கள் பீதியடைந்து வீடுகளை விட்டு வெளியேறினர்.

ராஜஸ்தான் மாநிலத்தின் ஜெய்ப்பூர், பார்மர், கங்காநகர், ஜெய்சால்மர் ஆகிய நகரங்களில் நில அதிர்ச்சி காணப்பட்டது. துபாயிலும் கூட நில அதிர்வுகள் உணரப்பட்டுள்ளது.

கடந்த 2008ம் ஆண்டு பாகிஸ்தான் மற்றும் காஷ்மீரில் 7.6. ரிக்டர் அளவிலான நிலநடுக்கம் ஏற்பட்டு ஆயிரக்கணக்கானோர் உயிரிழந்தது நினைவிருக்கலாம்.

English summary

A powerful earthquake of 7.4 magnitude struck southwestern Pakistan in the small hours of the day, tremors of which were felt in parts of northwestern India, including the national capital. Delhiites rushed outside their homes in the wee hours of the chilly night as tremors were felt in the capital. The India Meteorological Department (IMD) said the epicentre of the earthquake was located in southwestern Pakistan in the desert area bordering Iran and Afghanistan. A US Geological Service report said the epicentre of the earthquake was located 45 km from Dalbandin in Southwest Pakistan. It said the focal depth of the earthquake was 84 km.