சட்டசபைத் தேர்தலில் அதிமுகவுக்கு ஆதரவு கிடையாது-இந்து முன்னணி

நெல்லை: வருகிற சட்டசபைத் தேர்தலில் அதிமுகவுக்கு ஆதரவு அளிக்க மாட்டோம் என்று இந்து முன்னணி மாநில அமைப்பாளர் ராம.கோபாலன் கூறியுள்ளார்.

நெல்லை வந்த அவர் செய்தியாளர்களிடம் பேசுகையில்,

இந்துக்களின் உரிமை, நலன், பாதுகாப்புக்கு உத்தரவாதம் அளிக்கும் கட்சிக்குத்தான் பேரவைத் தேர்தலில் இந்து முன்னணி ஆதரவளிக்கும். அதிமுக கூட்டணியில் இந்து விரோத சக்திகள் இடம் பெற்றுள்ளன. எனவே அக்கூட்டணிக்கு நாங்கள் ஆதரவளிக்கப் போவதில்லை.

இந்துக் கோயில் சொத்துகளின் ஆக்கிரமிப்பு நடவடிக்கைக்கும், இந்து விரோத நடவடிக்கைகளுக்கும் மத்திய, மாநில அரசுகள் தொடர்ந்து ஆதரவு தெரிவித்து துணைபோகின்றன. மாநிலத்தில் பல்வேறு கோயில் சொத்துகளில் முறைகேடுகள் நடைபெறுகின்றன. நிலங்கள் ஆக்கிரமிக்கப்படுகின்றன. இதைக் கண்டித்து விரைவில் மிகப் பெரியளவில் போராட்டம் நடத்தவுள்ளோம்.

பள்ளிகளில் அனைத்து மாணவர்களும் சமமாக நடத்தப்பட வேண்டும். ஆனால் இப்போது பள்ளிகளில் சிறுபான்மையின மாணவர்களுக்கு அதிக முக்கியத்துவமும், சலுகைகளும்
அளிக்கப்படுகின்றன. இந்து மாணவர்களுக்கு முக்கியத்துவமோ, சலுகைகளோ வழங்கப்படுவதில்லை. இதன் பாதிப்பு வரும் பேரவைத் தேர்தலில் எதிரொலிக்கும் என்றார் அவர்.

English summary

Hindu Munnani leader Rama Gopalan has said that his outift will not support ADMK in the assembly polls. He said, ADMK front consists of anti hindu forces. So we cannot support the front in the polls. We will launch a big protest against grabbing Hindu lands, he added.