கொச்சின் துறைமுக டிரஸ்ட் இணையதளத்தை ஹேக் செய்த பாக்.ஹேக்கர்கள்
கொச்சின்: கொச்சின் துறைமுக பொறுப்புக் கழகத்தின் இணையதளத்தை பாக். ஹேக்கர்கள் ஹேக் செய்துள்ளது விசாரணையில் தெரிய வந்துள்ளது.
கொச்சின் துறைமுக டிரஸ்ட் இணையதளம் பாகிஸ்தான் ஐபி அட்ரஸில் இருந்து ஹேக் செய்யப்பட்டுள்ளதை சைபர் குற்றப்பிரிவு போலீசார் கண்டுபிடித்துள்ளனர்.
இது குறித்து போலீஸ் கமிஷனர் மனோஜ் ஆப்ரகாம் பிடிஐக்கு தெரிவித்ததாவது,
கடந்த 19-ம் தேதி காலை 8. 30 மணிக்கு ஹேக் செய்துள்ளனர். நாங்கள் இது குறித்த விவரங்களை சிபிஐ இன்டர்போல் சைபர் பிரிவுக்கு கொடுத்துள்ளோம் என்றார்.
ஹேக் செய்தவர்கள் இணையதளத்தில் நாட்டிற்கு எதிரான தகவலை விட்டுச் சென்றுள்ளதாக கொச்சின் துறைமுக டிரஸ்ட் தெரிவித்துள்ளது.
ஹேக்கர்கள் மாற்று ஹோம்பேஜை உருவாக்கியுள்ளனர். அதேசமயம், இணையதளத்தில் உள்ள வேறு எதையும் அவர்கள் மாற்றவில்லை. இது குறித்து புகார் அளிக்கப்பட்டுள்ளது. அதன்பேரில் சைபர் பிரிவு போலீசார் விசாரணை நடத்தி வருகின்றனர்.
இது போன்ற சம்பவங்கள் எதிர்காலத்தில் நடக்காமல் இருக்கத் தேவையான அனைத்து பாதுகாப்பு நடவடிக்கைகளும் மேற்கொள்ளப்பட்டுள்ளன என்று துறைமுகம் தெரிவித்துள்ளது.
Click it and Unblock the Notifications
Sign in with Google