ஜனவரி 26 'டென்ஷன்': ஜம்முவில் கல்வி நிலையங்களை மூடும் காஷ்மீர் அரசு

Published: Tuesday, January 25, 2011, 15:35 [IST]

Subscribe to Oneindia Tamil

ஜம்மு: குடியரசு தினத்தையொட்டி பிரச்சனை ஏற்படலாம் என்பதாலும், பாஜக லால் சௌக்கில் தேசியக் கொடி ஏற்ற திட்டமிட்டுள்ளதாலும் ஜம்மு காஷ்மீரில் உள்ள பல்கலைக்கழகங்கள், கல்லூரிகள் உள்ளிட்ட அனைத்து கல்வி நிலையங்களையும் மூடுமாறு அரசு உத்தரவிட்டுள்ளது.

இது குறித்து அரசு செய்தித் தொடர்பாளர் கூறியதாவது,

குடியரசு தினத்தை முன்னிட்டு ஜம்மு பல்கலைக்கழகம் உள்பட அனைத்து கல்வி நிலையங்களும் நாளை மூடப்பட்டிருக்கும்.

தனியார் கல்வி நிர்வாகங்கள் உள்பட அனைத்து கல்வி நிலைய நிர்வாகத்திற்கும் இந்த உத்தரவை கண்டிப்பாக மீறக்கூடாது என்று தெரிவித்திருக்கிறோம் என்றார்.

பாஜக ஸ்ரீநகரில் தேசிய கொடி ஏற்றத் திட்டமிட்டுள்ளதையடுத்து இந்த நடவடிக்கை எடுக்கப்பட்டுள்ளது. பாஜகவின் செயலால் ஜம்முவில் பிரச்சனை ஏற்படும் என்று எதிர்பார்க்கப்படுகிறது.

Published On January 25, 2011