பாவூர்சத்திரத்தில் பல்லாரி விலை வீழ்ச்சி: மேலும் குறையும் வாய்ப்பு

பாவூர்சத்திரம்: வரத்து அதிகரி்ப்பால் பாவூர்சத்திரத்தில் பல்லாரி விலை கிலோ ரூ.24 ஆக குறைந்துள்ளது.

பாவூர்சத்திரத்தில் கடந்த 3 மாதமாக உயர்ந்திருந்த காய்கறிகளின் விலை குறையத் துவங்கி உள்ளது. கிலோ ரூ.100 வரை விற்பனையான பல்லாரி படிப்படியாகக் குறைந்து கடந்த 15 நாட்களில் ரூ.55 ஆக இருந்தது.

இந்நிலையில் இன்று திடீரென ரூ.24 ஆக குறைந்துள்ளது. பிற மாநிலங்களில் இருந்து பல்லாரி வரத்து அதிகரித்துள்ளதால் இந்த விலை குறைப்பு ஏற்பட்டுள்ளது.

இதுபோல் ஒரு கிலோ கத்தரிக்காய் ரூ.10, தக்காளி ரூ.22, மிளகாய் ரூ.16, அவரை ரூ.12, முட்டைகோஸ் ரூ.16, சவ்சவ் ரூ.10, உருளைக்கிழங்கு ரூ.14, மல்லி இலை ரூ.20 ஆக குறைந்துள்ளது.

வெங்காயம் ரூ.50, மாங்காய் ரூ.40, சேம்பு ரூ.24, பாகற்காய் ரூ.10, தடியங்காய் ரூ.14, தேங்காய் ரூ.20 என ஏற்றம், இறக்கமின்றி அதே நிலை நீடிக்கிறது. வெண்டைக்காய் ரூ.28, கேரட் ரூ.30 ஆக உயர்ந்துள்ளது. காய்கறி வரத்து தொடர்ந்து அதிகரித்துள்ளதால் காய்கறி விலை மேலும் குறையும் என வியாபாரிகள் தெரிவித்துள்ளனர்.

English summary

For the past few days onion price has been soaring. Now it has started going down. In Pavursathiram one kg onion costs Rs. 24 compared to Rs. 100 a few days ago.