தங்கம் விலை மீண்டும் குறைந்தது-சவரனுக்கு ரூ 264 வீழ்ச்சி!

சென்னை: தங்கம் விலை இன்று மீண்டும் குறைந்தது. சவரனுக்கு ரூ 264 வீழ்ச்சியடைந்ததால் நகை வாங்குவோர் பெரும் மகிழ்ச்சியடைந்துள்ளனர்.

கடந்த மூன்று தினங்களாக தங்கத்தின் விலையில் நிலையற்ற போக்கு காணப்படுகிறது.

இரு தினங்களுக்கு முன் ஒரு சவரன் ஆபரணத் தங்கம் ரூ.14 ஆயிரத்து 824 க்கு விற்கப்பட்டது. நேற்று ஒரே நாளில் பவுனுக்கு ரூ.144 அதிகரித்து ரூ.14 ஆயிரத்து 928 ஆக உயர்ந்தது.

ஆனால் இன்று காலையிலிருந்தே விலை சரிய ஆரம்பித்தது. இன்று ஒரே நாளில் அதிரடியாக பவுனுக்கு ரூ.264 குறைந்தது. சென்னையில் ஒரு சவரன் ரூ.14 ஆயிரத்து 664 ஆக விற்கப்படுகிறது. ஒரு கிராம் விலை ரூ 1833.

சர்வதேச மார்க்கெட்டில் ரூபாய்க்கு எதிரான டாலரின் மதிப்பு உயர்ந்து வருவதன் காரணமாகவே இந்த வீழ்ச்சி என்று கூறப்படுகிறது.

English summary

Gold rate tumbled by Rs 264 per sovereign today, as speculators reduced their positions on the back of weakening global trend. At the Chennai market, 8 gram armament gold selling for Rs 14664.