மெல்லக் குறையுது வெங்காயம் - காய்கறிகள் விலை!

சென்னை: கடந்த இரண்டு மாதங்களாக கலங்க வைத்துக் கொண்டிருந்த காய்கறிகள் விலைவாசி, கடந்தே சில தினங்களாகக் குறைய ஆரம்பித்துள்ளது.

குறிப்பாக வெங்காயத்தின் விலையில் திருப்திகரமான வீழ்ச்சி ஏற்பட்டுள்ளது.

இதுவரை கிலோ ரூ 60 வரை விற்ற வெங்காயம் இன்று கிலே ரூ 20 முதல் 24 வரை விற்கிறது. மொத்த விற்பனை அங்காடியில் ரூ 18-க்கு விற்கப்படுகிறது.

கத்தரிக்காய் விலையும் பெருமளவு வீழ்ச்சி அடைந்துள்ளது. கிலோ ரூ 44 வரை விற்கப்பட்ட கத்தரிக்காய் இப்போது 5 முதல் 10 வரை ரகத்துக்கேற்ப விலை வைத்து விற்கப்படுகிறது.

இதேபோல் தக்காளி கிலோ ரூ.60-ல் இருந்து ரூ.20 ஆகிவிட்டது. கேரட் ரூ.24-க்கும் பீட்ரூட், சவ்சவ், நூல்கோல் ரூ.15க்கும் அவரை கிலோ ரூ.10க்கும் விற்கப்படுகிறது.

சேனை, பிடி கருணை, பீன்ஸ் ரூ.20க்கும் இன்று விலை குறைந்து விட்டது. உள்ளூர் காய்கறிகள் வரத்து அதிகரிக்கத் துவங்கியுள்ளதால் விலை மேலும் குறையும் என்று வியாபாரிகள் தெரிவித்தனர்.

English summary

There is a nose dive in the trend of vegetable prices in Chennai and other parts of the state. The price of Onion fall to Rs 20 from Rs 60 per kg. The price of brinjal came down to Rs 5 per kg. The same was sold for Rs 44 per kg a week ago. Also, there is a drastic fall in other vegetable prices from yesterday onwards due to heavy incoming of local vegetables to the wholesale market.