பாவூர்சத்திரம், விளாத்திகுளத்தில் பல்லாரி விலை வீழ்ச்சி: மேலும் குறையும்

பாவூர்சத்திரம்: வரத்து அதிகரிப்பால் பாவூர்சத்திரம், விளாத்திகுளத்தில் பல்லாரி விலை வீழ்ச்சி அடைந்துள்ளது.

பாவூர்சத்திரத்தில் கடந்த 3 மாதமாக உயர்ந்திருந்த காய்கறி விலை குறையத் துவங்கியுள்ளது. கிலோ ரூ.100 வரை விற்பனையான பல்லாரி படிப்படியாக குறைந்து கடந்த வாரத்தில் ரூ.24க்கு விற்பனையானது. இந்நிலையில் இன்று ரூ.15 முதல் 26 வரை தரம் வாரியாக விற்பனை செய்யப்படுகிறது.

பிற மாநிலங்களில் இருந்து பல்லாரி வரத்து அதிகரித்துள்ளதால் இந்த விலை குறைப்பு ஏற்பட்டுள்ளது. ஆனால் வெங்காயம் தொடர்ந்து ரூ.30 முதல் ரூ.50 வரை விற்பனை செய்யப்படுகிறது. இதேபோல் ஒரு கிலோ கத்தரிக்காய் ரூ.10, தக்காளி, பீட்ரூட் ரூ.20, மிளகாய் ரூ.16, அவரை ரூ. 14, முட்டைகோஸ் ரூ.16, சவ்சவ் ரூ.10 ஆக விலை குறைந்துள்ளது.

காய்கறி வரத்து தொடர்ந்து அதிகரித்துள்ளதால் அவற்றின் விலை மேலும் குறையும் என வியாபாரிகள் தெரிவித்தனர். இதேபோல் விளாத்திகுளத்திலும் பல்லாரி விலை குறைந்துள்ளது. கிலோ ரூ.15 முதல் ரூ.30 வரை தரம் வாரியாக விற்பனை செய்யப்படுகிறது.

English summary

Onion price is highly unstable these days. Few weeks ago the soaring price of onion was the talk of the country. Now the prices have been declining slowly.