காங்கிரஸ் எம்.எல்.ஏ.-வுக்கு எதிராக நாம் தமிழர் கட்சி கண்டன போஸ்டர்

Published: Tuesday, February 1, 2011, 15:37 [IST]

Subscribe to Oneindia Tamil

ராமநாதபுரம் : ராமநாதபுரம் தொகுதி காங்கிரஸ் எம்.எல்.ஏ. ஹசன்அலிக்கு எதிராக நாம் தமிழர் கட்சி சார்பில் கண்டன போஸ்டர் ஒட்டப்பட்டுள்ளது.

காங்கிரஸ் கட்சியைச் சேர்ந்த ஹசன் அலி ராமநாதபுரம் தொகுதி சட்டமன்ற உறுப்பினராக உள்ளார். இந்த நிலையில் அவருக்கு எதிராக நாம் தமிழர் கட்சி சார்பில் ராமநாதபுரம் மாவட்டத்தில் பரவலாக போஸ்ட்ர் ஒட்டியுள்ளனர்.

அந்த போஸ்டர்களில் கூறியிருப்பதாவது,

இதுவரை தமிழக மீனவர்கள் 548 பேர் கொலை செய்யப்பட்டுள்ளனர். எம்.எல்.ஏ. அவர்களே, சட்டசபையில் நீங்கள் இலங்கை அதிபர் ராஜபக்சேவின் கைக்கூலியாக இருந்தால் மட்டும் போதுமா? ஓட்டுப் போட்ட மக்களுக்கு என்ன செய்தீர்கள்? தமிழர்களே சிந்திப்பீர்! என்று அதில் வாசகங்கள் இருந்தன.

இது குறித்து ராமநாதபுரம் தொகுதி காங்கிரஸ் எம்.எல்.ஏ. ஹசன்அலி கருத்து தெரிவிக்கையில்,

நான் இலங்கை அதிபருக்கு நண்பர் தான். மறுக்கவில்லை. ஆனால் எனக்கு கைக்கூலியாக இருக்க வேண்டிய அவசியம் இல்லை. தமிழக மீனவர்கள் பிரச்சனை என வரும்போது இலங்கை அதிபருக்கு எதிராக போராட்டம் நடத்தினால் அங்கு முதல் நபராக இருப்பேன் என்றார்.

Published On February 1, 2011