இன்டர்வியூக்கு போனால் ஐபேட் இலவசம்-இங்கல்ல, இங்கிலாந்தில்
லண்டன்: இங்கிலாந்தில் உள்ள சாப்ட்வேர் நிறுவனம் ஒன்று பட்டதாரிகளைக் கவரும் வகையில் நேர்காணலுக்கு வரும் அனைவருக்கும் ஒரு ஐபேட் இலவசமாகத் தரப்படும் என்று அறிவித்துள்ளது. நேர்காணலில் தேர்வானாலும், தேர்வாகாவிட்டாலும் ஐபேட் தரப்படும் என்பது குறிப்பிடத்தக்கது.
இங்கிலாந்தில் உள்ள பெரிய சாப்ட்வேர் நிறுவனங்களில் ஒன்று அடானமி. கேம்பிரிட்ஜ் வெளியே உள்ள நிறுவனங்களில் இருந்து வரும் போட்டியை சமாளிக்கவும், சிறந்த விண்ணப்பதாரர்களைக் கவரவும் ஒரு திட்டம் தீட்டியது. நேர்காணலுக்கு வரும் அனைவருக்கும் ஒரு ஐபேட் இலவசம் என்று விளம்பரம் செய்தது.
இது குறித்து அந்நிறுவனத்தின் நிறுவனர் மைக் லின்ச் கூறியதாவது,
சிறந்த தொழிலாளர்களை பெறத் தான் அனைவரும் விரும்புவார்கள். ஒரு ஐபேட் தருவதாக அறிவித்தால் உங்களை வந்து பார்ப்பார்கள். இன்னொரு நிறுவனம் ஐபோன் கொடுப்பதாக அறிவித்துள்ளது என்றார்.
தற்போது பொருளாதாரம் படிப்படியாக மேம்பட்டு வருகிறது. அதனால் வேலைவாய்ப்புகள் அதிகரித்து வருகிறது.
Click it and Unblock the Notifications
Sign in with Google