6வது கட்டமாக 10 லட்சம் இலவச கலர் டி.விகள் கொள்முதல்

சென்னை: 6வது கட்டமாக 10 லட்சம் இலவச கலர் டி.விகள் கொள்முதல் செய்வது தொடர்பாக முதல்வர் கருணாநிதி தலைமையில் இன்று ஆலோசனைக் கூட்டம் நடைபெற்றது.

சட்டமன்றக் கட்சிகளின் பிரதிநிதிகள் அடங்கிய இக் குழுவின் கூட்டத்தில் அதன் உறுப்பினர்களான துணை முதல்வர் மு.க.ஸ்டாலின், எம்எல்ஏக்கள் யசோதா, கோவிந்தசாமி, பூவை ஜெகன்மூர்த்தி, அப்துல் பாஸித், ரவிகுமார் ஆகியோர் கலந்து கொண்டனர்.

மேலும் அமைச்சர் பூங்கோதை, தலைமைச் செயலாளர் மாலதி ஆகியோரும் கலந்து கொண்டனர்.

இன்று மாலை அமைச்சரவை கூட்டம்:

இந் நிலையில் இன்று ம‌ாலை தமிழக அமைச்சரவை கூட்டம் கூடுகிறது.

விரைவில் சட்டசபை தேர்தல் வரவிருக்கும் நிலையில், இன்று நடைபெறவிருக்கும் அமைச்சரவை கூட்டம் முக்கியத்துவம் வாய்ந்ததாக கருதப்படுகிறது.

முன்னதாக முதல்வர் கருணாநிதியை அவரது இல்லத்தில் திரைப்பட இயக்குனர் சுரேஷ் கிருஷ்ணா மற்றும் நடிகை குஷ்பு ஆகியோர் சந்தித்து, அவருக்கு இளைஞன் திரைப்படத்திற்காக நாக்பூர் நிர்சார் திரைபடக் கழகம் சார்பில் வழங்கப்பட்ட, சிறந்த வசனகர்த்தாவிற்க்கான விருதை அவர் சார்பாக பெற்று வந்து காட்டினர்.

English summary

Tamil Nadu government has decided to procure 10 lakhs more colour TVs for free distribution for publicm. A meeting in connection with this was held in secretariat today under the leadership of CM Karunanidhi