காதலர் தினம்: ஆர்ச்சீஸ் பங்குகள் 12.21 சதவீதம் உயர்வு

By Siva

Published: Monday, February 14, 2011, 16:45 [IST]

Subscribe to Oneindia Tamil

மும்பை: காதலர் தினத்தையொட்டி பரிசுப் பொருட்கள் மற்றும் வாழ்த்து அட்டை தயாரிப்பாளர்களின் பங்குகள் இன்று மும்பை பங்குச் சந்தையில் 19.89 சதவீதம் அதிகரித்துள்ளது.

காதலர் தினம் வந்தால் ரோஜா, பரிசுப் பொருட்கள், வாழ்த்து அட்டைகள் வியாபாரம் சூடுபிடித்துவிடும் என்பது அனைவரும் அறிந்ததே.

இன்று மும்பை பங்குச் சந்தையில் காலை நேரத்தில் பொம்மைகள் மற்றும் வீட்டு அலங்காரப் பொருட்கள் தயாரிப்பாளரான ஹனன்ங் டாய்ஸ் அன்ட் டெக்ஸ்டைல்ஸ் பங்குகள் ஒரேஅடியாக 19.89 சதவீதம் அதிகிரித்தது. அதன் பங்கு விலை ரூ. 235 ஐ தொட்டது.

பரிசுப் பொருட்கள், வாழ்த்து அட்டைகள் சில்லறை வியாபாரம் செய்யும் ஆர்ச்சீஸ் நிறுவனத்தின் பங்குகள் 12. 21 சதவீதம் அதிகரித்து ரூ. 45 ஆக இருந்தது.

இந்த திடீர் ஏற்றத்திற்கு காரணம் காதலர் தினம் என்று வர்த்தகர்கள் தெரிவித்தனர். முதலீட்டாளர்கள் இன்று பரிசுப் பொருட்கள் தயாரிக்கும் நிறுவனங்களின் பங்குகளை வாங்க பேராவல் காட்டினர்.

Published On February 14, 2011