அதிமுக கூட்டணிக்குத் தான் வெற்றி: ராதாரவி
Subscribe to Oneindia Tamil
சென்னை: வரும் சட்டசபை தேர்தலில் அதிமுக கூட்டணி தான் வெற்றி பெறும் என்று நடிகர் ராஜாரவி கூறினார்.
திசையன்விளை நேரு திடலில் நடந்த அதிமுக பொதுக்கூட்டத்தில் ராதாரவி பேசுகையில், தொண்டர்களின் ஆதரவால் உருவான கட்சி அதிமுக. மக்கள் இதயத்தில் தனக்கென ஒரு இடத்தைப் பிடித்த கட்சி. அடிமட்ட தொண்டர்களை நம்பி இருக்கிறது.அதிமுக பொதுச் செயலாளர் ஜெயலலிதா தொண்டர்களுக்காகவே உழைக்கிறார்.
அவர் ஆட்சியை விட்டு விலகும்போது அரசு கஜானாவில் ரூ. 50,000 கோடி இருந்தது. ஆனால் கருணாநிதியோ ரூ. 1 லட்சம் கோடி கடனில் வைத்துள்ளார்.
திமுக-காங்கிரஸ் கூட்டணி குழப்பத்தில் இருக்கிறது. கடந்த தேர்தலில் குறைவான வாக்கு வித்தியாசத்தில் தான் அதிமுக தோல்வியடைந்தது. ஆனால் வரும் சட்டசபை தேர்தலில் அதிமுக கூட்டணி அதிக இடங்களில் வெற்றி பெற்று ஆட்சி அமைக்கும் என்றார்.
Click it and Unblock the Notifications
Sign in with Google