லிபிய கலவரம்: எண்ணெய் விலை 'கிர்ர்'!

சிங்கப்பூர்: எண்ணெய் உற்பத்தி நாடுகளில் முக்கிய பங்கு வகிக்கும் லிபியா மற்றும் பஹ்ரைனில் மக்கள் போராட்டம் நடந்துவருவதால், எண்ணெய் உற்பத்தி மற்றும் ஏற்றுமதி பெருமளவு பாதிக்கப்பட்டுள்ளது. இதனால் ஒரு பேரல் கச்சா எண்ணெய் 107 டாலராக உயர்ந்துள்ளது.

ஏப்ரல் டெலிவரிக்கான கச்சா எண்ணெய் விலை 1.53 டாலர் வரை உயர்வு கண்டுள்ளது. கடந்த இரு ஆண்டுகளில் அதிகபட்ச விலை இதுவே.

நியூயார்க்கதின் லைட் ஸ்வீட் கச்சா எண்ணெய் ஒரே நாளில் பேரலுக்கு 7.20 டாலர் உயர்ந்துள்ளது.

லிபியா மற்றும் பஹ்ரைனின் புரட்சி, தொடர்ந்து ஏமன் உள்ளிட்ட மத்திய கிழக்கு நாடுகளிலும் பரவ ஆரம்பித்திருப்பதால், எண்ணெய் விலை மேலும் உயரக்கூடும் என்று கூறப்படுகிறது. இதையே காரணமாகக் கொண்டு பதுக்கல் நடவடிக்கைகளிலும் பெரும் நிறுவனங்கள் ஈடுபடத் தொடங்கியுள்ளன.

ஐரோப்பாவின் முக்கிய நாடுகள் அனைத்துக்கும் கச்சா எண்ணெய் ஏற்றுமதி செய்து வந்தது லிபியாதான் என்பது குறிப்பிடத்தக்கது. இப்போது லிபியாவின் நிர்வாகமே ஸ்தம்பித்துள்ளதால், அடுத்து என்ன செய்வதென்ற குழப்பத்தில் உள்ளன ஐரோப்பிய நாடுகள்.

லிபிய கலவரத்தில் இதுவரை 500 பேர் வரை கொல்லப்பட்டுள்ளனர். அதிபர் கடாபி நாட்டை விட்டு ஓடிவிட்டதாக சில நாடுகள் வேண்டுமென்றே வதந்தியைப் பரப்பியுள்ளன. ஆனால் தான் எங்கும் செல்லவில்லை என்றும், கலவரக்காரர்கள் தங்கள் போராட்டத்தைக் கைவிட்டு ஓடிவிட வேண்டும் என்றும் கூறியுள்ளார்.

English summary

Oil prices broke past $107 in Asian trade Tuesday as violence in Libya and Bahrain threatened to destabilise the key oil-producing Middle East and North African region, analysts said. Brent North Sea crude for delivery in April gained $1.53 to $107.27 per barrel in the afternoon, surpassing two-year highs reached on Monday. New York's main contract, light sweet crude for March delivery, surged $7.20 to $93.40 per barrel on its last trading day.