தமிழக சட்டசபைக்கு மே 5 அல்லது 6ம் தேதி தேர்தல்?

டெல்லி: தமிழக சட்டசபை தேர்தல் மே மாதம் 5 அல்லது 6ம் தேதி நடக்கலாம் என்று தெரிகிறது.

கடந்த சட்டசபைத் தேர்தல் 2006ம் ஆண்டு மே மாதம் 8ம் தேதி நடந்தது. மே 13ம் தேதி திமுக கூட்டணி அரசு பதவியேற்றது. இதனால் வரவிருக்கும் புதிய அரசு மே மாதம் 12ம் தேதிக்குள் பதவியேற்றாக வேண்டும். எனவே, அதற்குள் தேர்தல் நடத்தி, முடிவுகள் வெளியாக வேண்டும்.

தேர்தல் தேதி அறிவித்ததில் இருந்து குறைந்தது 40 நாட்களுக்கு பிறகு வேட்பு மனு தாக்கல் துவங்கும். அதிலிருந்து குறைந்தது 25 நாட்களில் ஓட்டுப்பதிவு நடக்கும். ஓட்டுப்பதிவு முடிந்த 3 நாட்களில் ஓட்டு எண்ணும் பணிகள் நடக்கும். கடந்த தேர்தலில் இந்த நடைமுறை தான் பின்பற்றப்பட்டது.

இதனால் அடுத்த சில தினங்களில் தேர்தல் தேதி குறித்த அறிவிப்பை தேர்தல் ஆணையம் வெளியிடும் என்று தெரிகிறது. வேட்பு மனு தாக்கல் ஏப்ரல் மாதம் 11ம் தேதியிலும், மே 5 அல்லது மே 6ம் தேதி ஓட்டுப்பதிவும், மே 8ம் தேதி ஓட்டு எண்ணிக்கையும் நடைபெற வாய்ப்புள்ளதாகத் தெரிகிறது.

English summary

Election Commission may conduct the TN assembly election on may 5 or 6. It is expected to announce the election date soon. Since Karunanidhi lead DMK government took charge on may 13, 2006, the new government has to take charge before may 12. So EC will conduct election accordingly.