திமுகவிடமிருந்து 8 சீட்களை எதிர்பார்க்கும் முஸ்லீம் லீக்

நாகப்பட்டனம்: திமுக எங்களுக்கு 8 சீட்களை ஒதுக்கினால் மகிழ்ச்சி அடைவோம் என்று இந்திய யூனியன் முஸ்லீம் லீக் கட்சி தெரிவித்துள்ளது.

இதுகுறித்து நாகப்பட்டனம் வந்த கட்சியின் தலைவர் காதர் மொஹைதீன் செய்தியாளர்களிடம் பேசுகையில்,

சட்டசபைத் தேர்தலில் இந்திய யூனியன் முஸ்லிம் லீக் - திமுக கூட்டணி தொடரும். திமுக தலைமையிலான கூட்டணி அமோக வெற்றி பெற்று புதிய வரலாறு படைக்கும். காரணம், தமிழக மக்களின் மனம் கவர்ந்த அரசாக திமுக அரசு விளங்குகிறது.

தமிழகத்தில் முஸ்லிம்களுக்கு 3.5 சதவீத தனி இட ஒதுக்கீடு வழங்கியது போல, தமிழக சட்டப்பேரவைத் தேர்தலிலும் இந்திய யூனியன் முஸ்லிம் லீக் கட்சிக்கு 3.5 சதவீத இட ஒதுக்கீடாக, அதாவது 8 தொகுதிகளில் போட்டியிடும் வாய்ப்பை திமுக வழங்கினால் மிகுந்த திருப்தியடைவோம்.

இருப்பினும், தேர்தல் தொகுதி பங்கீட்டை இந்திய யூனியன் முஸ்லிம் லீக் பிரதானமாகக் கருதவில்லை. திமுக தலைமையிலான கூட்டணியின் வெற்றி மட்டும் தான் பிரதானம் என்றார் அவர்.

English summary

Indian Union Muslim League is expecting 8 seats from DMK. While talking to the media in Nagai, Party leader Khadar Mohaideen told that, DMK govt has implemented 3.5% quoto for Muslims. If the same will be implemented in seat allocation we will get 8 seats. We hope that DMK will fullfill our demand, he added.