நாளை டாக்டர் ராமதாஸ் பேரன் திருமணம்-கருணாநிதி பங்கேற்பு-இன்று வரவேற்பு
சென்னை: பாமக நிறுவனர் டாக்டர் ராமதாஸின் மகள் காந்தி அம்மையின் மகன் டாக்டர் சுகந்தன் திருமணம் நாளை சென்னையில் நடைபெறுகிறது. இதில் முதல்வர் கருணாநிதி கலந்து கொண்டு மணமக்களை வாழ்த்துகிறார். இன்று இரவு நடைபெறும் திருமண வரவேற்பு நிகழ்ச்சியில், ஆளுநர் பர்னாலா பங்கேற்கிறார்.
டாக்டர் ராமதாஸின் மகள் காந்தி அம்மை-பரசுராமன் தம்பதியின் மகன் டாக்டர் சுனந்தன். இவருக்கும், ராணிப்பேட்டையைச் சேர்ந்த சாந்தி-குணசேகரன் தம்பதியின் மகள் டாக்டர் டீனாவுக்கும் திருமணம் நிச்சயமாகியுள்ளது.
இந்த திருமணம் நாளை சென்னை, எம்.ஆர்.சி நகரில் உள்ள மேயர் ராமநாதன் செட்டியார் திருமண மண்டபத்தில் நடைபெறுகிறது. முதல்வர் கருணாநிதி மணமக்களை வாழ்த்துகிறார்.
துணை முதல்வர் மு.க.ஸ்டாலின் உள்ளிட்ட அரசியல் தலைவர்கள், அமைச்சர்கள், பல்துறைப் பிரமுகர்கள் பங்கேற்று வாழ்த்துகின்றனர்.
இவர்களது திருமண வரவேற்பு இன்று மாலை நடைபெறுகிறது. இதில் ஆளுநர் எஸ்.எஸ்.பர்னாலா கலந்து கொண்டு வாழ்த்துகிறார்.
Click it and Unblock the Notifications
Sign in with Google