தமிழக சட்டசபைத் தேர்தலுக்கான வேட்பாளர் பட்டியல் தயார்

Published: Wednesday, March 9, 2011, 17:45 [IST]

Subscribe to Oneindia Tamil

சென்னை: தமிழக பாஜக சார்பில் போட்டியிடவுள்ள வேட்பாளர்களின் பட்டியல் தயாராகி விட்டதாகவும், கட்சி மேலிட ஒப்புதலுக்கு அனுப்பப்பட்டிருப்பதாகவும், ஒப்புதல் கிடைத்தவுடன் வேட்பாளர் பட்டியல் அறிவிக்கப்படும் என்றும் தமிழக பாஜக தலைவர் பொன்.ராதாகிருஷ்ணன் கூறியுள்ளார்.

தமிழக பாஜக தலைவர் பொன்.ராதாகிருஷ்ணன் இன்று செய்தியாளர்களிடம் பேசுகையில், பாஜக சார்பில் தேர்தலில் போட்டியிட பெரும் திரளானோர் ஆர்வம் காட்டினர். அவர்களில் தகுதியானவர்களைத் தேர்வு செய்து வேட்பாளர் பட்டியலை தயாரித்து கட்சி மேலிட ஒப்புதலுக்கு அனுப்பியுள்ளோம்.

ஒப்புதல் கிடைத்தவுடன் வேட்பாளர் பட்டியல் வெளியிடப்படும். நான் நாகர்கோவிலில் போட்டியிட வேண்டும் என்று பலரும் விருப்பம் தெரிவித்துள்ளனர். கட்சித் தலைமை இதுகுறித்து முடிவெடுக்கும் என்றார் பொன்.ராதாகிருஷ்ணன்.

தமிழகத்தில் பாஜகவை யாரும் கூட்டணியில் சேர்க்கவில்லை. எனவே அது தனித்துப் போட்டியிடுகிறது, அனைத்துத் தொகுதிகளிலும் தாங்கள் போட்டியிடப் போவதாக ஏற்கனவே பாஜக அறிவித்துள்ளது குறிப்பிடத்தக்கது.

Published On March 9, 2011