தேர்தல்-அதிமுகவுக்கு கொங்கு தமிழர் கட்சி ஆதரவு: டி.கே. தீரன்சாமி

சென்னை: வரும் சட்டசபை தேர்தலில் அதிமுகவிற்கு ஆதரவு அளிப்பதாக கொங்கு தமிழர் கட்சித் தலைவர் டி.கே. தீரன்சாமி தெரிவித்துள்ளார்.

கடந்த 10 ஆண்டுகளாக கொங்கு தமிழர் பேரவையாக இருந்து வந்த அமைப்பு கடந்த திங்கட்கிழமை கொங்கு தமிழர் கட்சி என்ற பெயரில் அரசியல் கட்சியாக மாறியுள்ளது.

இது குறித்து கட்சித் தலைவர் தீரன்சாமி செய்தியாளர்களிடம் கூறியதாவது,

நாங்கள் கொங்கு தமிழர் பேரவையாக இருந்தபோதே அதிமுகவிற்கு தான் ஆதரவு அளித்தோம். தற்போது அரசியல் கட்சியாக புது உருவம் எடுத்துள்ளோம். அதிமுக பொதுச் செயலாளர் ஜெயலலிதாவை சந்திக்க நேரம் ஒதுக்குமாறு கோரியுள்ளோம். அனுமதி கிடைத்தவுடன் அவரை நேரில் சந்தித்து எங்கள் ஆதரவை தெரிவிப்போம்.

இந்த தேர்தலில் போட்டியிடும் எண்ணம் எங்கள் கட்சிக்கு இல்லை. அதிமுக கூட்டணியின் வெற்றிக்காக பாடுபடுவோம் என்றார்.

English summary

The newly found Kongu Tamilar party extends its support to ADMK in the Tamil Nadu assembly election. It has told that it won't contest in the election and will work hard for the victory of ADMK alliance.