தமிழகத்தின் பெரிய தொகுதி சோழிங்கநல்லூர்-சிறிய தொகுதி கீழ்வேளூர்
சென்னை: தொகுதி மறு சீரமைப்பின் கீழ் முதல் சட்டசபைத் தேர்தலை தமிழகம் சந்திக்கவுள்ளது.
தொகுதி எண்ணிக்கையில் எந்த மாற்றமும் இல்லை. அதே 234 தொகுதிகள்தான். அதேசமயம், பல தொகுதிகள் மாறியுள்ளன, சில புதிதாக சேர்ந்துள்ளன, சில மூடு விழா கண்டுள்ளன.
புதிய தொகுதிகளின் நிலவரப்படி தமிழகத்திலேயே மிகப் பெரிய தொகுதியாக சோழிங்கநல்லூர் தொகுதி உருவெடுத்துள்ளது. இங்கு மொத்த வாக்காளர்கள் எண்ணிக்கை 3,40,615 ஆகும். காஞ்சிபுரம் மாவட்டத்தில் இது அமைந்துள்ளது.
தமிழகத்திலேயே சிறிய தொகுதியாக நாகை மாவட்டம் கீழ்வேளூர் தனி தொகுதி உருவெடுத்துள்ளது. இங்கு மொத்தம் 1,40,127 வாக்காளர்களே உள்ளனர்.
தமிழகத்தில் அதிக அளவிலான பெரிய தொகுதிகளைக் கொண்டுள்ள மாவட்டங்களாக திருவள்ளூர் மற்றும் காஞ்சிபுரம் மாவட்டங்கள் திகழ்கின்றன. இரு மாவட்டங்களிலும் தலா நான்கு பெரிய தொகுதிகள் உள்ளன.
அதேசமயம் சிறிய தொகுதிகளை அதிகம் கொண்ட மாவட்டங்கள் சென்னை மற்றும் நாகப்பட்டனம். நாகை இந்த மாவட்டத்திற்குட்பட்ட திருவாரூரில்தான் முதல்வர் கருணாநிதி போட்டியிடுகிறார் என்பது குறிப்பிடத்தக்கது. கடந்த காலத்தில் கருணாநிதி போட்டியிட்ட சென்னை, சேப்பாக்கம்தான் தமிழகத்திலேயே சிறிய தொகுதியாக இருந்தது. இந்த முறை நடுத்தர தொகுதியில் கருணாநிதி போட்டியிடுகிறார்.
தமிழகத்தின் பெரிய மற்றும் சிறிய தொகுதிகள் குறித்த ஒரு பார்வை:
பெரிய தொகுதிகள் - வாக்காளர்கள் - மாவட்டம்
சோழிங்கநல்லூர்- 3,40,615 - காஞ்சிபுரம்
கவுண்டம்பாளையம் - 2,89,912 - கோவை
ஆவடி - 2,65,914 - திருவள்ளூர்
பல்லாவரம் - 2,65,703 - காஞ்சிபுரம்
மதுரவாயல் - 2,57,528 - திருவள்ளூர்
மாதவரம் - 2,54,654 - திருவள்ளூர்
முதுகுளத்தூர் - 2,54,552 - ராமநாதபுரம்
அம்பத்தூர் - 2,51,002 - திருவள்ளூர்
செங்கல்பட்டு - 2,40,496 - காஞ்சிபுரம்
தாம்பரம் - 2,38,295 - காஞ்சிபுரம்
சிறிய தொகுதிகள் - வாக்காளர்கள் - மாவட்டம்
கீழ்வேளூர் - 1,40,127 - நாகப்பட்டனம்
துறைமுகம் - 1,45,183 - சென்னை
கந்தர்வக்கோட்டை - 1,48,625 - புதுக்கோட்டை
நாகப்பட்டனம் - 1,49,560- நாகப்பட்டனம்
ராயபுரம் - 1,51,333 - சென்னை
வேதாரண்யம் - 1,54,281 - நாகப்பட்டனம்
கூடலூர் - 1,55,357 - நீலகிரி
விராலிமலை - 1,57,653 - புதுக்கோட்டை
எழும்பூர் - 1,58,945 - சென்னை
திருப்பூர் தெற்கு - 1,59,886 - திருப்பூர்