சட்டசபை தேர்தல்: அதிமுகவுக்கு சமாஜ்வாடி கட்சி ஆதரவு

மதுரை: வரும் சட்டசபை தேர்தலில் அதிமுகவுக்கு ஆதரவு அளிப்பது என்று சமாஜ்வாடி கட்சி முடிவு செய்துள்ளது.

இது குறித்து சமாஜ்வாடி கட்சியின் தமிழக தலைவர் இளங்கோ யாதவ் வெளியிட்டுள்ள அறிக்கையில் கூறியுள்ளதாவது,

சமாஜ்வாடி கட்சியின் உயர் மட்டக் கூட்டம் சென்னையில் நடைபெற்றது. இந்த கூட்டத்திற்கு மாநில பொதுச் செயலாளர்கள் எஸ்.வாசு, மதுரை ராஜ்குமார், நீலமேகம் யாதவ், மாநில இளைஞரணி பிரிவு தலைவர் ஆகியோர் முன்னிலை வகித்தனர்.

இதில் வரும் சட்டசபை தேர்தலில் அதிமுக வேட்பாளர்களை ஆதரிப்பது என்றும், தமிழகத்தில் உள்ள 234 தொகுதிகளிலும் அதிமுக வெற்றி பெற பிரசாரம் செய்வது என்றும், பிரசாரத்திற்காக கட்சியின் தேசிய தலைவர் முலாயம்சிங் யாதவை அழைப்பது என்றும் தீர்மானம் நிறைவேற்றப்பட்டது.

இவ்வாறு அந்த அறிக்கையில் தெரிவிக்கப்பட்டுள்ளது.

English summary

Samajwadi party has decided to support ADMK in the assembly election. It has passed a resolution that the party will work hard to make ADMK the victor in all the 234 constituencies.