ஜெயலலிதாவின் பிரசார வேனுக்கு ரகசிய பூஜை

கோபிச்செட்டிப்பாளையம்: அதிமுக பொதுச் செயலாளர் ஜெயலலிதா பிரசாரத்திற்குப் பயன்படுத்தவுள்ள நவீன வேனுக்கு ரகசியமாக பூஜை நடந்துள்ளது.

கோபிசெட்டிப்பாளையத்தில் உள்ள ஒரு கோவிலில் நள்ளிரவில் வைத்து இந்த பூஜையை போட்டுள்ளனராம்.

கோவையில் வைத்து ஜெயலலிதாவின் பிரசார வேன் வடிவமைக்கப்பட்டுள்ளது. ஜெயலலிதா மட்டுமல்லாமல் பல்வேறு முக்கியத் தலைவர்களின் வேன்களும் இங்குதான் வடிவமைக்கப்படுகின்றன.

ஜெயலலிதாவின் வேன் ஒரு மினி கேரவன் போல உள்ளது. படுக்கை வசதி, கழிப்பறை வசதி, சிறிய கிச்சன், எல்சிடி வசதி உள்ளிட்டவை இதில் அடக்கம்.

இந்த வேன் கோபிச்செட்டிப்பாளையம் கொண்டு வரப்பட்டு அங்குள்ள ஒரு கோவிலில் வைத்து ரகசியமாக பூஜை போடப்பட்டது. தன்னாச்சி கருப்பராயன் கோவில் என்ற அந்தக் கோவிலில் பூஜை போடப்பட்ட பின்னர் திருச்சிக்குக் கொண்டு சென்றனராம்.

இந்த வேனில்தான் ஜெயலலிதா பிரசாரம் செய்யவுள்ளார். இதேபோல மொத்தம் 3 வேன்கள் ஜெயலலிதாவின் பிரசாரத்திற்காக தயார் நிலையில் வைக்கப்பட்டுள்ளன.

English summary

Spl pooja held for Jayalalitha's campaign van in Gopi recently. Jayalalitha will use 3 vans for her campaign. One van was taken to Gopi and held spl pooja for that van.