பிரியாணி விருந்தை படம்பிடித்த கேமிராமேன்களுக்கு அதிமுகவினர் அடி உதை

சென்னை: அதிமுக கூட்டத்திற்கு வந்த தொண்டர்களுக்காக சமைத்து வைத்திருந்த பிரியாணியை தேர்தல் ஆணையம் நியமித்துள்ள வீடியோ கேமரா மேன்களுக்கு அடி உதை விழுந்தது.

நேற்றிரவு அரும்பாக்கம் கமலாம்பாள் திருமண மண்டபத்தில் சென்னை அண்ணாநகர் தொகுதி அதிமுக வேட்பாளர் அறிமுகக் கூட்டம் நடந்தது. இந்த கூட்டத்திற்கு வந்த கட்சித் தொண்டர்களுக்காக பிரியாணி சமைத்து வைக்கப்பட்டிருந்தது. கூட்டம் ஒரு புறம் இருக்க கண்கொத்திப் பாம்பாய் சுற்றும் தேர்தல் ஆணையத்தின் வீடியோ கேமராமேன்கள் பிரியாணியை படம் பிடித்தனர்.

இதைப் பார்த்த கட்சியினர் வீடியோ எடுத்தவர்களுக்கு அடி உதை கொடுத்து, அவர்கள் வைத்திருந்த வீடியோ கேமராக்களை உடைத்ததாக அருகம்பாக்கம் போலீசில் புகார் கொடுக்கப்பட்டது.

இந்த சம்பவம் தொடர்பாக அருகம்பாக்கம் போலீசார் வழக்குப்பதிவு செய்து விசாரணை நடத்தி வருகின்றனர்.

English summary

EC cameramen recorded the briyani prepared to feed the ADMK cadres who attended a party function in Arugambakkam. On seeing this, the party cadres got angry and attacked the cameramen. They damaged the cameras also. The cameramen filed a complaint and police are investigating this.