ஷார்ஜா இந்திய வர்த்தகக் குழு நடத்திய ரத்ததான முகாம்: ஏராளமானோர் பங்கேற்பு

ஷார்ஜா: ஷார்ஜா இந்திய வர்த்தகக் குழு, கேரள மருத்துவ பட்டதாரிகள் சங்கம் மற்றும் ஷார்ஜா அரசின் மருத்துவத்துறை ஆகியவை சேர்ந்து கடந்த 29-ம் தேதி ரத்ததான முகாம் ஒன்றை நடத்தின.

ரத்ததான முகாமினை இந்திய கன்சுலேட்டின் சமூக விவகாரத்துறை கன்சல் ஃபிரான்சிஸ் சேவியர் ஸாக்ஸா துவக்கி வைத்தார். இந்நிகழ்வில் ஷார்ஜா இந்திய வர்த்தக்குழு தலைவர் சுதேஷ் அகர்வால், கேரள மருத்துவ பட்டதாரிகள் சங்க தலைவர் டாக்டர் சன்னி குரியன், இந்திய வர்த்தகக்குழுவின் இயக்குநர் ஜெனரல் ஸ்ரீபிரியா உள்ளிட்டோர் கலந்து கொண்டனர்.

கன்சல் ஃபிரான்சிஸ் சேவியர் இந்திய வர்த்தக்குழு ரத்ததானம் மூலம் மேற்கொண்டுள்ள சமுதாயப் பணிகளைப் பாரட்டினார்.

இதில் பல்வேறு நாடுகளைச் சேர்ந்த நூற்றுக்கும் மேற்பட்ட ஆண்களும், பெண்களும் ரத்ததானம் செய்தனர். ஷார்ஜா பகுதியில் நடைபெற்ற ரத்ததான முகாம்களில் அதிகமானோர் பங்கேற்ற முகாம் இது என தெரிவிக்கப்பட்டது.

இம்முகாமிற்கு டாக்டர் சன்னி மெடிக்கல் சென்டர், டிஃபனி, ஷார்ஜா இந்திய வர்த்தக மற்றும் கண்காட்சி மையம் ஆகியவை ஆதரவளித்தன.

English summary

The Indian Business and Professional Council of Sharjah, in association with Association of Kerala Medical Graduates (AKMG Emirates) and Blood Transfusion and Research Dept. Ministry of Sharjah conducted a blood donation camp on march 29. Hundreds of men and women donated blood and made it a grand success.