அமைச்சர் பூங்கோதைக்கு ரூ. 10.28 லட்சம் கடன், ரூ. 9.75 கோடி சொத்து
நெல்லை: ஆலங்குளம் தொகுதி திமுக வேட்பாளர் அமைச்சர் பூங்கோதையின் சொத்து மதிப்பு ரூ. 9.75 கோடி என வேட்பு மனுவில் தெரிவிக்கப்பட்டுள்ளது.
வரும் சட்டசபை தேர்தலில் ஆலங்குளம் தொகுதியில் திமுக சார்பில் அமைச்சர் பூங்கோதை போட்டியிடுகிறார். தினமும் பல்வேறு பகுதிகளில் தீவிரமாக பிரசாரம் செய்து வருகிறார்.
நேற்று முன்தினம் ஆலங்குளம் தொகுதிக்கு உள்பட்ட பகுதிகளில் துணை முதல்வர் ஸ்டாலின் பூங்கோதையை ஆதரித்து பிரசாரம் செய்தார். காங்கிரஸ் மற்றும் திமுக கூட்டணி கட்சியினரும் தீவிரமாக தேர்தல் பிரசாரம் செய்து வருகின்றனர்.
ஆலங்குளம் தொகுதி வேட்பாளராக போட்டியிடும் அமைச்சர் பூங்கோதை தனது சொத்து விபரத்தை தொகுதி தேர்தல் அலுவலரிடம் சமர்பித்தார்.
அதில் ரூ.50 லட்சத்து 77 ஆயிரத்து 459 மதிப்பிலான அசையும் சொத்துக்கள், ரூ.9.25 கோடி மதிப்பிலான அசையா சொத்துகள், ரூ. 10.28 லட்சம் கடன் இருப்பதாக தெரிவித்துள்ளார். அவரது மொத்த சொத்து மதிப்பு ரூ. 9.75 கோடி ஆகும்.
Click it and Unblock the Notifications
Sign in with Google