செக்போஸ்டில் கொர்: 2 எஸ்ஐக்கள் மாற்றம்-எஸ்பி அதிரடி!

தூத்துக்குடி: தூத்துக்குடி மாவட்டம் எட்டயபுரம் ரோட்டில் உள்ள செக்போஸ்டில் தூங்கிய இரண்டு எஸ்.ஐ.க்கள் அதிரடியாக மாற்றப்பட்டனர்.

தூத்துக்குடி தாளமுத்து நகர் சிறப்பு சப்-இன்ஸ்பெக்டர், வடபாகம் சப்-இன்ஸ்பெக்டர் ஆகியோருக்கு எட்டயபுரம் ரோடடில் உள்ள செக்போஸ்டில் பாதுகாப்பு பணி கொடுக்கப்பட்டிருந்தது. நேற்றிரவு 2 பேரும் அயர்ந்து தூங்கி விட்டனர். நள்ளிரவில் அந்த வழியாக வந்த தூத்துக்குடி எஸ்பி செந்தில்குமார் அவர்களை எழுப்பினார். அதி்ர்ச்சியில் உறைந்த அவர்களிடம் தேர்தல் நேரத்தில் பணியை ஒழுங்காகச் செய்யாமல் தூங்கியதை கண்டித்ததோடு, 2 பேரையும் சாத்தான்குளத்திற்கு மாறுதல் செய்து உத்தரவிட்டார்.

இன்று காலை சாத்தான்குளம் டிஎஸ்பியை சந்தித்து பணி இட விபரத்தை தெரிந்து கொள்ளுமாறும் கூறினார். இந்த சம்பவம் தூத்துக்குடி மாவட்ட போலீசார் மத்தியில் பெரும் பரபரப்பை ஏற்படுத்தியுள்ளது.

English summary

2 SIs slept nicely while they were assigned duty in a checkpost in Ettayapuram road. Tuticorin SP Senthil Kumar who was came that way saw the two sleepy policemen and transferred them immediately to Sathankulam.