எச் 1 பி விசா விண்ணப்பங்கள்... வாங்க ஆர்வமில்லை!

வாஷிங்டன்: அமெரிக்காவில் பணியாற்ற இந்தியர்களுக்குத் தேவைப்படும் எச் 1 பி விசாக்கள் வாங்க ஆளில்லாத நிலை ஏற்பட்டுள்ளது.

இந்த ஆண்டுக்கு 65 ஆயிரம் எச் 1 பி விசாக்கள் வழங்கப்படும். இதுதவிர, உயர்படிப்பு பட்டம் பெற்றவர்களுக்காக 20000 விசாக்கள் வழங்கப்படும்.

இந்த விசா வழங்கல் குறித்த அறிவிப்பு வெளியானதுமே, சில தினங்களுக்குள் மொத்த விசாக்களும் தீர்ந்துவிடுவது வழக்கம். ஆனால் இப்போது நிலைமை தலைகீழ்.

2012-ம் ஆண்டுக்கான விசாக்கள் வழங்க ஏப்ரல் முதல் தேதி விசா கவுன்டர்கள் திறக்கப்பட்டன. ஆனால் இதுவரை 5900 விண்ணப்பங்கள் மட்டுமே வந்துள்ளன. அதேபோல, உயர் படிப்பு பட்டம் பெற்றவர்களுக்காக வழங்கப்படும் விசாக்களுக்காக வெறும் 4500 விண்ணப்பங்கள் மட்டுமே வந்துள்ளன.

அமெரிக்காவில் பணியாற்றுவதற்கு அந்நாட்டு அரசு அதிக கெடுபிடிகள் காட்டுவதாலும், இந்தியாவிலேயே நல்ல சம்பளத்தில் வேலை கிடைப்பதாலும் இந்த நிலை ஏற்பட்டுள்ளதாகக் கூறப்படுகிறது.

English summary

The H-1B visa, the most sought after by Indian IT professionals has opened to a lacklustre response, with less than 5,900 applications received after it opened on April 1.