திமுக வெற்றி வாய்ப்பு பிரகாசமாக உள்ளது-கருணாநிதி

சென்னை: திமுகவுக்கு சட்டசபைத் தேர்தலில் வெற்றி வாய்ப்பு பிரகாசமாக உள்ளது என்று முதல்வர் கருணாநிதி கூறியுள்ளார்.

சட்டசபைத் தேர்தலையொட்டி தனது உடல் நலிவையும் பொருட்படுத்தாமல் தமிழகத்தின் பல்வேறு ஊர்களுக்குச் சென்று பிரசாரக் கூட்டங்களில் பங்கேற்றுப் பேசினார் முதல்வர்.

இறுதி கட்டமாக தான் போட்டியிடும் திருவாரூரில் 2 நாட்கள் அவர் பிரசாரம் செய்தார். தீவிரப் பிரசாரத்தை முடித்துக் கொண்ட பின்னர் நேற்று இரவு ரயில் மூலம் அவர் சென்னை கிளம்பினார். இன்று காலை சென்னை வந்தடைந்தார்.

எழும்பூர் ரயில் நிலையத்திற்கு வந்து சேர்ந்த அவருக்கு நூற்றுக்கணக்கில் திரண்டு வந்து திமுகவினரும், தோழமைக் கட்சியினரும் உற்சாக வரவேற்பளித்தனர்.

அப்போது செய்தியாளர்கள் முதல்வரிடம், திமுக கூட்டணியின் வெற்றி வாய்ப்பு எப்படி உள்ளது என்று கேட்டபோது திமுகவின் வெற்றி வாய்ப்பு பிரகாசமாக உள்ளது என்றார் முதல்வர் கருணாநிதி.

English summary

DMK alliance will win the polls convincingly, said CM Karuanidhi. He returned to Chennai this morning after his whirlwind campaign. He said to the reporters that, winning chances are bright for DMK alliance, he said.