பெண்கள் அதிகளவில் ஓட்டு-திமுக வெல்லும்-ஸ்டாலின்
சென்னை & மதுரை: தமிழகத்தில் நடைபெறும் சட்டசபைத் தேர்தலில் திமுக அமோக வெற்றி பெறும் 230 தொகுதிகளில் நாங்கள் வெல்வோம் என்று துணை முதல்வர் மு.க.ஸ்டாலின் கூறியுள்ளார்.
சென்னை கோபாலபுரத்தில் உள்ள பள்ளியில் இன்று ஸ்டாலின் வாக்களித்தார். வாக்களித்து விட்டு வெளியே வந்த அவர் செய்தியாளர்களிடம் பேசுகையில், திமுக கூட்டணிக்கு சிறப்பான வெற்றி கிடைக்கும். 230 தொகுதிகளில் நாங்கள் வெல்வோம்.
திமுக அரசின் 5 ஆண்டு சாதனை எங்களுக்கு வெற்றி தேடித் தரும். 6வது முறையாக முதல்வர் பதவியில் கருணாநிதி அமர்வார் என்றார் ஸ்டாலின்.
வாக்குப் பதிவு முடிந்த பின் நிருபர்களிடம் பேசிய ஸ்டாலின், தேர்தலில் பெண்கள் மிக அதிகளவில் வாக்களித்துள்ளனர். திமுக மீண்டும் ஆட்சிக்கு வர வேண்டும் என்ற ஆர்வத்தில் தான் அதிகமான பெண்கள் வாக்களித்துள்ளனர். இதனால் பெரும்பான்மையான இடங்களில் திமுக வென்று மீண்டும் ஆட்சியைப் பிடிக்கும் என்றார்.
Click it and Unblock the Notifications
Sign in with Google