ஜெயந்தி தங்கபாலுவுக்கு ஓட்டு இல்லை-வாக்காளர் பட்டியலில் பெயர் இல்லை

சென்னை: தமிழக காங்கிரஸ் கட்சித் தலைவர் தங்கபாலுவின் மனைவி ஜெயந்தி இன்று ஓட்டுப் போட முடியாமல் திரும்பினார். அவரது பெயர் வாக்காளர் பட்டியலில் இல்லாததால் அவரால் ஓட்டுப் போட முடியவில்லை.

சென்னை மயிலாப்பூர் தொகுதியில் முதலில் காங்கிரஸ் வேட்பாளராக அறிவிக்கப்பட்டவர் ஜெயந்தி. ஆனால் பெரும் குழப்பம் ஏற்பட்டு கடைசியில் ஜெயந்தியின் கணவரான தங்கபாலுவே அங்கு வேட்பாளராகி விட்டார்.

இந்த நிலையில், இன்று காலை வாக்களிப்பதற்காக வேளச்சேரி கஸ்தூரிபாய் நகரில் உள்ள வாக்குச் சாவடிக்கு வந்தார் ஜெயந்தி. ஆனால் அவரது பெயர் வாக்காளர் பட்டியலில் இல்லை. இதனால் புகைப்பட அடையாள அட்டை வைத்திருந்தும் கூட ஜெயந்தியால் வாக்களிக்க முடியவில்லை. இதனால் அவர் பெரும் ஏமாற்றத்துடன் வீடு திரும்பினார்.

English summary

TNCC leader Thangabalu's wife Jayanthi was denied to vote today as her name was not included in voters list. She went to Velachery Kasturba Nagar polling booth. But her name was missing in the voters list. So officials not allowed her to cast her vote.