திமுக கூட்டணிக்கு எதிராக தேர்தல் ஆணைய நடவடிக்கைகள்-அழகிரி
சென்னை: தேர்தல் ஆணையத்தின் அனைத்து நடவடிக்கைகளும் திமுக கூட்டணிக்கு எதிராக உள்ளதாக மத்திய ரசாயனத்துறை அமைச்சரும், திமுக தென்மண்டல அமைப்பாளருமான மு.க.அழகிரி குற்றம் சாட்டினார்.
சென்னை விமான நிலையத்தில் நிருபர்களுக்கு அவர் அளித்த பேட்டி:
கேள்வி: தேர்தல் முடிவுகள் எப்படி இருக்கும்?
பதில்: திமுக கூட்டணி 200 தொகுதிகளுக்கு மேல் வெற்றி பெறும்.
கேள்வி: திமுக வன்முறையில் ஈடுபடுவதாக அதிமுக பொதுச் செயலாளர் ஜெயலலிதா அறிக்கை வெளியிட்டுள்ளாரே?
பதில்: எந்தக் கட்சிக்காரர்கள் காயம் அடைந்து மருத்துவமனையில் அனுமதிக்கப்பட்டுள்ளார்கள் என்று நேரில் பார்த்து தெரிந்து கொள்ளலாம்.
கேள்வி: மதுரை மேற்கு தொகுதியில் மறுதேர்தல் நடத்துமாறு கோரிக்கை எழுப்பப்பட்டுள்ளதே?
பதில்: தேர்தல் ஆணையத்தின் எந்த முடிவுக்கும் நாங்கள் கட்டுப்படுவோம். ஆனால், தேர்தல் ஆணையத்தின் அனைத்து நடவடிக்கைகளும் திமுக கூட்டணிக்கு எதிராகவே உள்ளது என்றார்.
Click it and Unblock the Notifications
Sign in with Google