கோடை விடுமுறை: சென்னை சுற்றுலாத் தலங்களுக்கு 60 சிறப்பு பேருந்துகள்

சென்னை: கோடை விடுமுறையை முன்னிட்டு சென்னையில் உள்ள சுற்றுலாத் தலங்களுக்கு 60 சிறப்பு பேருந்துகள் இயக்கப்படவிருக்கிறது.

சென்னை மாநகர போக்குவரத்து கழகம் சார்பில் சென்னை நகரில் 3 ஆயிரத்து 235 பேருந்து இயக்கப்படுகின்றன. இதில் பிராட்வே, கோவளம், வண்டலூர், கேளம்பாக்கம், மகாபலிபுரம், காஞ்சீபுரம் உள்ளிட்ட பகுதிகளுக்கு 100 குளிர்சாதன பேருந்துகள் விடப்பட்டுள்ளது.

தற்போது பள்ளி, கல்லூரிகளுக்கு கோடை விடுமுறை விடப்பட்டுள்ளது. இதனால் வெளிமாவட்டத்தினர் சென்னையை சுற்றிப்பார்க்க வருவார்கள்.

அவ்வாறு வருபவர்களுக்கு வசதியாக சென்னையில் உள்ள மெரினா கடற்கரை, கோவளம், வள்ளுவர் கோட்டம், எம்.ஜி.எம்., வண்டலூர் உயிரியல் பூங்கா, கிண்டி சிறுவர் பூங்கா மற்றும் மகாபலிபுரம் உள்ளிட்ட இடங்களுக்கு 60 சிறப்பு பேருந்துகள் விடப்படுகிறது. அதிலும் மாலை நேரங்களில் அதிக அளவில் பேருந்துகள் இயக்கப்படுகிறது.

English summary

60 special buses will be provided to the tourist spots in Chennai ahead of summer vacation. More number of buses will be provided in the evening for the convenience of the tourists.