தங்கம் விலை இன்று ஒரேநாளில் சவரனுக்கு ரூ 184 உயர்வு!
சென்னை: தங்கம் விலை இன்று மட்டும் சவரனுக்கு ரூ 184 உயர்ந்தது. இதன்மூலம் சவரன் விலை ரூ 16504 ஆக விற்கப்படுகிறது.
சென்னையில் தங்கம் விலை நாளுக்கு நாள் அதிகரித்த வண்ணம் உள்ளன. கடந்த மாதம் ஒரு பவுன் ரூ. 15 ஆயிரத்து 600-க்கு விற்கப்பட்டது.
இந்த மாதம் விலை தாறுமாறாக உயர்ந்து ரூ. 16 ஆயிரத்தைத் தாண்டியது. கடந்த 25-ந் தேதி ரூ. 16 ஆயிரத்து 472-க்கு விற்கப்பட்டது. மறுநாள் ரூ. 200 குறைந்து ரூ. 16 ஆயிரத்து 272 ஆக இருந்தது.
நேற்று மேலும் ரூ. 8 குறைந்து ரூ. 16 ஆயிரத்து 320 ஆக இருந்தது. இதனால் வாடிக்கையாளர்கள் சற்றே ஆறுதல் அடைந்தனர். இந்நிலையில் இன்று ஒரே நாளில் பவுனுக்கு ரூ. 184 அதிகரித்து ரூ. 16 ஆயிரத்து 504-க்கு விற்கப்பட்டது. ஒரு கிராம் ரூ. 2 ஆயிரத்து 63 ஆக இருந்தது.
தங்கத்தின் இந்த திடீர் விலை ஏற்றத்தால் வாடிக்கையாளர்கள் கடும் அதிர்ச்சி அடைந்துள்ளனர். தியாகராய நகர் நகை வியாபாரி ஒருவர் கூறும் போது, தங்கம் விலை மேலும் குறையும் என்று எதிர்பார்த்தோம். ஆனால் இன்று ரூ. 184 அதிகரித்து விட்டது.
மக்களிடையே தங்கத்தில் முதலீடு செய்யும் போக்கு அதிகரித்துள்ளதால் விலை திடீரென அதிகரிக்கிறது," என்றார்.
வெள்ளியின் விலையும் கிராம் ரூ 100-ஐ நெருங்கிக் கொண்டுள்ளது. இன்று ஒரு கிராம் வெள்ளி ரூ. 76-55க்கும் ஒரு கிலோ ரூ. 71 ஆயிரத்து 545-க்கும் விற்கப்படுகிறது.
Click it and Unblock the Notifications
Sign in with Google