இந்தியாவுக்கான அமெரிக்கத் தூதர் திடீர் ராஜினாமா

By Chakra

Published: Thursday, April 28, 2011, 17:44 [IST]

Subscribe to Oneindia Tamil

டெல்லி: இந்தியாவுக்கான அமெரிக்கத் தூதர் திமோதி ரோமர் தனது பதவியை ராஜினாமா செய்யவுள்ளார். தனிப்பட்ட காரணங்களுக்காக அமெரிக்கா திரும்புவதாக அவர் தெரிவித்துள்ளார்.

மீண்டும் தீவிர அரசியலில் ஈடுபடுவதற்காக அவர் நாடு திரும்ப திட்டமிட்டுள்ளதாகத் தெரிகிறது. அநத நாட்டின் தேசிய உளவுப் பிரிவின் தலைவர் பதவிக்கு குறி வைத்துள்ள ரோமர், அந்தப் பதவியைப் பிடிப்பதன் மூலம் மீண்டும் தீவிர அரசியலுக்குத் திரும்ப ஏதுவாக இருக்கும் என்று கருதுவதாகத் தெரிகிறது.

54 வயதான ரோமர் அமெரிக்க அதிபர் ஒபாமாவால் 2009ம் ஆண்டு மே மாதம் இந்தியத் தூதராக நியமிக்கப்பட்டார். அப்போதே, ஒபாமாவிடம் 2 ஆண்டுகள் மட்டுமே இந்தப் பதவியில் நீடிப்பேன் என்று சொல்லிவிட்டுத் தான் வந்தேன் என்று கூறியுள்ளார் ரோமர்.

ஜூன் மாதத்துக்குள் அவர் அமெரிக்கா திரும்புவார் எனறு தெரிகிறது.

இந்தியாவுக்கு தூதராகத்தான் வந்தேன். பிரியும்போது குடும்பத்தை விட்டுப் பிரிவது போல உணர்கிறேன் என்று ஒரு தொலைக்காட்சிக்கு அளித்த பேட்டியில் கூறியுள்ளார் ரோமர்.

Published On April 28, 2011