'கிரவுண்ட் ஜீரோ'வில் இன்று ஒபாமா அஞ்சலி

Published: Thursday, May 5, 2011, 15:30 [IST]

Subscribe to Oneindia Tamil

நியூயார்க்: அமெரிக்க அதிபர் பராக் ஒபாமா இன்று கிரவுண்ட் ஜீரோ எனப்படும் இரட்டை கோபுரம் இருந்த இடத்திற்குச் சென்று அங்கு தீவிரவாதத் தாக்குதலில் பலியானோருக்கு அஞ்சலி செலுத்துகிறார்.

இந்த நிகழ்ச்சிக்கு வருமாறு முன்னாள் அதிபர் ஜார்ஜ் புஷ்ஷுக்கு ஏற்கனவே ஒபாமா அழைப்பு விடுத்திருந்தார். இருப்பினும் அவர் அதை நிராகரித்து விட்டார் என்பது நினைவிருக்கலாம்.

ஒசாமா பின்லேடன் மறைவைக் கொண்டாடும் வகையில், நியூயார்க் இரட்டைக் கோபுரத் தாக்குதலில் பலியானோருக்கு அஞ்சலி செலுத்தும் வகையில் இந்த நிகழ்ச்சிக்கு ஏற்பாடு செய்யப்பட்டுள்ளது. கிரவுண்ட ஜீரோவில் மலர் வளையம் வைத்து அஞ்சலி செலுத்துகிறார் ஒபாமா.

இந்த நிகழ்ச்சிக்குப் பின்னர் 2001ல் இரட்டை கோபுரத்தில் இருந்த உலக வர்த்தக மைய கட்டடத்தை விமானம் மூலம் தீவிரவாதிகள் தாக்கி அழித்ததில் பலியான அமெரிக்கர்களின் குடும்பங்களை சந்திக்கிறார் ஒபாமா.

கிரவுண்ட் ஜீரோவில் 3 மணி நேரம் செலவிடவுள்ளார் ஒபாமா. கிரவுண்ட் ஜீரோவுக்கு ஒபாமா வருவதை அமெரிக்கர்கள் பலரும் வரவேற்றுள்ளனர்.

Published On May 5, 2011