தேர்ச்சி விகிதத்தில் வழக்கம் போல விருதுநகர் முதலிடம்

சென்னை: பிளஸ்டூ தேர்வு தேர்ச்சி விகிதத்தில் வழக்கம் போல விருதுநகர் மாவட்டம் முதலிடத்தை தக்க வைத்துக் கொண்டுள்ளது.

தமிழகத்திலேயே விருதுநகர் மாவட்டம்தான் எப்போதும் பத்தாவது மற்றும் பிளஸ்டூ தேர்வுகளில் அதிக அளவிலான தேர்ச்சி விகிதத்தைப் பெற்று வருகிறது. இந்த ஆண்டும் அது தொடர்ந்துள்ளது.

விருதுநகர் மாவட்டத்தில் மொத்தம் 19,032 மாணவ, மாணவியர் தேர்வு எழுதினர். இவர்களில் மாணவியர் எண்ணிக்கை மட்டும் 9896 ஆகும். இவர்களில் 18,094 மாணவ, மாணவியர் பாஸாகியுள்ளனர். இது 95.07 சதவீதமாகும். மாணவர்களின் தேர்ச்சி விகிதம் 93.18 சதவீதம். மாணவியரின் தேர்ச்சி விகிதம் 96.70 சதவீதம்.

கடந்த 25 வருடங்களாக பிளஸ்டூவில் விருதநகர் மாவட்டம்தான் தமிழகத்திலேயே அதிக அளவிலான தேர்ச்சி விகிதத்தைப் பதிவு செய்து தொடர்ந்து முதலிடத்தில் இருந்து வருகிறது என்பது சாதனை விஷயமாகும். இங்குள்ள பள்ளிகளில் பாடம் நடத்தப்படும் விதம், மாணவ, மாணவயரின் படிப்பு ஆர்வம் என பல அம்சங்கள் இதற்குக் காரணமாக உள்ளன. சிறந்த ஆசிரியர்களும் ஒரு முக்கியக் காரணமாகும்.

தூத்துக்குடிக்கு 3-நெல்லைக்கு 5வது இடம்

பிளஸ்டூ தேர்ச்சி விகிதத்தில் இவ்வாண்டு தூத்துக்குடி மாவட்டம் 3வது இடத்தையும், நெல்லை மாவட்டம் 5வது இடத்தையும் பிடித்துள்ளது.

73.56 சதவீத தேர்ச்சி பெற்ற அரியலூர் மாவட்டம் கடைசி இடத்துக்கு தள்ளப்பட்டது.

மாவட்ட வாரியாக தேர்ச்சி விபரம் வருமாறு:

விருதுநகர் 95.7
நாமக்கல் 93.11
தூத்துக்குடி 93.7
சிவகங்கை 92.95
நெல்லை 92.92
தேனி 91.28
கோவை 90.97
ஈரோடு 90.91
சென்னை 90.76
மதுரை 90.56
தஞ்சாவூர் 89.51
திருப்பூர் 89.48
கரூர் 89.5
பெரம்பலூர் 88.49
கன்னியாகுமரி 88.48
ராமநாதபுரம் 86.18
திண்டுக்கல் 85.45
சேலம் 84.69
தர்மபுரி 83.84
காஞ்சிபுரம் 83.6
நீலகிரி 82
கடலூர் 82
திருவள்ளூர் 81.7
நாகை 81
புதுக்கோட்டை 80.57
திருவண்ணாமலை 79.72
வேலூர் 78.6
விழுப்புரம் 77.34
திருவாரூர் 76.6
கிருஷ்ணகிரி 75
அரியலூர் 73.56

English summary

Viruthunagar district has registered 95.07 pass percentage in +2 exams. Viruthunagar dt tops first place among districtds, for the last 25 years. Totally 19,032 students attended the exams and 18,094 students have passed.