தந்தை பின்லேடன் கொலை குறித்து ஐ.நா. விசாரிக்க வேண்டும்- மகன்கள்

வாஷிங்டன்: எங்களது தந்தை ஒசாமா பின்லேடன் கொல்லப்பட்டது தொடர்பாக ஐ.நா. விசாரணை நடத்த வேண்டும். இது மிகக் கொடூரமான கொலை. அமெரிக்கப் படையினர் மிகவும் கொடூரமாக நடந்து எங்களது தந்தையின் உடலை கடலில் வீசியுள்ளனர். இது மனித நாகரீகத்திற்கு முரனாணது என்று பின்லேடனின் மகன்கள் குமுறியுள்ளனர்.

இதுகுறித்து பின்லேடனின் மகன்கள் இணைந்து ஒரு அறிக்கை வெளியிட்டுள்ளனர். அதில் அவர்கள் கூறியிருப்பதாவது...

எங்களது தந்தையை அமெரிக்கப் படையினர் கொன்றுள்ள செயல் மிகவும் அத்துமீறிய, காட்டுமிராண்டித்தனமான செயலாகும். அவரது உடலை கடலில் வீசியதும் கண்டனத்துக்குரியத.

ஏன் எங்களது தந்தையை கைது செய்ய அமெரிக்கப் படையினர் முயலவில்லை. அவரை கோர்ட்டில் நிறுத்தி விசாரணைக்கு உட்படுத்தவில்லை என்பதை அமெரிக்கா விளக்க வேண்டும்.

எங்களது தந்தையின் மரணப் பின்னணி குறித்து ஐ.நா. விசாரணை நடத்த வேண்டும். அடிப்படை மனித உரிமைகள், சட்ட நெறிமுறைகளைக் கூட அமெரிக்கா கடைப்பிடிக்கவில்லை. ஆயுதமே இல்லாத ஒரு நிரபராதியை காட்டுமிராண்டித்தனமாக சுட்டுக் கொன்றுள்ளது அமெரிக்கா. அவரது உடலை கடலில் வீசிய செயலும் நியாயமே இல்லாதது.

அரசியல் பிரச்சினைகளுக்கு இப்படிப்பட்ட படுகொலைகள் தீர்வல்ல. எங்களது தந்தையின் மரணத்திற்கு நியாயம் கிடைக்க வேண்டும் என்று கோருகிறோம் என்று தெரிவித்துள்ளனர்.

பாகிஸ்தானின் அபோத்தாபாத்தில் பதுங்கியிருந்த பின்லேடனை அதிரடியாக கொன்ற அமெரிக்கப் படையினர் உடலை கடலில் வீசி விட்டனர். பின்லேடன் கொல்லப்பட்ட பின்னர் எடுக்கப்பட்ட படங்களையும் அவர்கள் இதுவரை வெளியிடவில்லை. அவை மிகவும் கோரமாக இருப்பதால் வெளியிட்டால் பிரச்சினை வரும் என்று அமெரிக்கா காரணம் கூறியுள்ளது. இதனால் பின்லேடன் வேட்டையாடப்பட்ட விதம் பெரும் மர்மமாகவே உள்ளது குறிப்பிடத்தக்கது.

இந்த நிலையில்தான் இதுகுறித்து ஐ.நா. விசாரணை நடத்த வேண்டும் என்று பின்லேடனின் மகன்கள் கோரிக்கை விடுத்துள்ளனர்.

English summary

The adult sons of Osama bin Laden today denounced the "arbitrary killing" of their father by the American forces and condemned his burial at the sea, as they asked why the al-Qaeda chief was "not arrested" and tried in a court to reveal the truth. Calling for an UN investigations on the circumstances of their father's death, they accused the United States of violating its basic legal principles by killing an unarmed man, shooting his family members and disposing of his body in the sea, the New York Times reported. The report said the family was asking why the leader of al-Qaeda "was not arrested and tried in a court of law so that truth is revealed to the people of the world." "We maintain that arbitrary killing is not a solution to political problems," the sons' statement said, adding that "justice must be seen to be done.