குறைகிறது தங்கம் விலை... தொடருமா இந்த நிலை?

சென்னை: தங்கம் விலை மீண்டும் குறையத் தொடங்கியுள்ளது. இந்த நிலை தொடருமா என ஆவலுடன் எதிர்ப்பார்க்க ஆரம்பித்துள்ளனர் மக்கள்.

தங்கம் விலை தொடர்ந்து ஏறுவதும் இறங்குவதுமாக உள்ளது. நேற்று ஒரு பவுன் ரூ.16 ஆயிரத்து 584 ஆக இருந்தது. இன்று பவுனுக்கு ரூ.144 குறைந்து ரூ.16 ஆயிரத்து 440க்கு விற்கப்பட்டது.

ஒரு கிராம் ரூ.2 ஆயிரத்து 55ஆக இருந்தது. அக்ஷய திருதியை காரணமாக கடந்த வாரம் தங்கம் விலை ஏறுமுகமாக இருந்தது. இதனால் வாடிக்கையாளர்கள் மலைத்துப் போனார்கள். ரூ.17 ஆயிரத்தை தாண்டி விடுமோ என்று நடுத்தர வர்க்கத்தினர் கலங்கினர்.

அதேநேரம் தங்க நகை முதலீட்டாளர்கள் பெரும் சந்தோஷம் அடைந்தனர். இவர்களால்தான் தங்கம் விலை பெரும் ஏற்றம் கண்டதாக நகை வியாபாரிகள் கூறினர்.

இந்நிலையில் இன்று திடீரென ஒரே நாளில் ரூ.144 விலை குறைந்ததால் வாடிக்கையாளர்கள் மகிழ்ச்சி அடைந்துள்ளனர். இந்த விலை குறைவு காரணமாக நகை கடைகளில் வழக்கத்தை விட கூட்டம் அதிகமாக இருந்தது.

ஒரு கிலோ வெள்ளி ரூ.55 ஆயிரத்து 65-க்கும் ஒரு கிராம் ரூ.58.90-க்கும் விற்கப்படுகிறது.

English summary

There is a moderate decline in gold rate in Channai market today. People get a relief due to the slide of Rs 144 per sovereign.