சட்டசபைத் தேர்தல் முடிவுகள்-நாளை காலை முதல் இடைவிடாத லைவ் கவரேஜ்

சென்னை: நாளை காலை 7.30 மணி முதல் உங்கள் 'தட்ஸ்தமிழ்' இணையத்தளத்தில் சட்டசபைத் தேர்தல் முடிவுகள் உடனுக்குடன் நேரடியாக அப்டேட் செய்யப்படவுள்ளன.

234 வெற்றிகளை எதிர்நோக்கி காத்திருக்கும் இரு பெரும் கூட்டணிகள். அடுத்து ஆட்சியமைக்கப் போவது யாரோ என்ற எதிர்பார்ப்பில் மக்கள். ஒட்டுமொத்தத் தமிழகமும், உலகத் தமிழர்களும் தேர்தல் முடிவுக்காக கடந்த 30 நாட்களாக ஆவலுடன் காத்துள்ளனர்.

இந்த எதிர்பார்ப்புகளுக்கு நாளை விடை கிடைக்கப் போகிறது. அந்த விடையை மக்களிடம் அப்படியே, உடனுக்குடன் கொண்டு வந்து சேர்க்கும் பெரும் கடமையாற்ற தட்ஸ்தமிழ் தயாராக உள்ளது.

வாக்கு எண்ணிக்கை தொடங்கும் காலை 8 மணி முதல் தொடர்ச்சியாக, இடைவிடாமல் உடனுக்குடன் முன்னணி நிலவரங்கள், வெற்றிகள், தோல்விகள், யார் யார் எத்தனை வாக்குகளைப் பெற்றனர் என்பதை அப்டேட் செய்யவுள்ளது உங்கள் தட்ஸ்தமிழ்.

முழுமையான தேர்தல் முடிவுகள், கடந்த தேர்தலில் கட்சிகள் பெற்ற வாக்குகள், வெற்றிகள் என அத்தனை தகவல்களும் உங்கள் கண் முன் நாளை தட்ஸ்தமிழ் மூலமாக கிடைக்கப் போகின்றன.

English summary

Thatstamil set to give the live coverage of Election results for TN assembly polls. Live coverage will start by 7.30 am tomorrow. The coverage will go on till the counting ends.