அப்செட்டில் அப்டேட்டை நிறுத்திய கலைஞர் டிவி-மானாட மயிலாட 'ஸ்டார்ட்'

சென்னை: அதிமுக அணி பெரும் வெற்றியை நோக்கி முன்னேறத் தொடங்கியதைத் தொடர்ந்து திமுகவின் கலைஞர் டிவி தனது தேர்தல் முடிவுகள் குறித்த அப்டேட்டை நிறுத்தி விட்டது. அதற்குப் பதில் மானாட மயிலாட நிகழ்ச்சியை மறு ஒளிபரப்பு செய்தது.

தேர்தல் தோல்வியின் அதிர்ச்சியும், சோகமும் திமுகவின் அதிகாரப்பூர்வ டிவியான கலைஞர் டிவியிலும்எதிரொலித்தது.

தேர்தல் முடிவு குறித்த சிறப்பு நிகழ்ச்சியை ஒளிபரப்பி வந்த கலைஞர் டிவி ஆரம்பத்தில் உற்சாகமாக அதை ஒளிபரப்பியது. ஆனால் அதிமுக மற்றும் அதன் கூட்டணிக் கட்சிகளுக்கு அடுத்தடுத்து லீடிங் கிடைக்க ஆரம்பித்ததைத் தொடர்ந்து கலைஞர் டிவியின் அப்டேட்டில் தொய்வு ஏற்பட்டது. அதிமுக அணி 100 இடங்களைத் தாண்டியதும் அப்டேட்டை சுத்தமாக நிறுத்தி விட்டது.

கொஞ்ச நேரம் சிவாஜி படத்தைப் போட்ட கலைஞர் டிவி பின்னர், ஜோடிகள் நடனமாடும் போட்டி நிகழ்ச்சியான மானாட மயிலாட நிகழ்ச்சியை ஒளிபரப்ப ஆரம்பித்துவிட்டது.

English summary

DMK's Kalaignar TV has stopped election results updates. After ADMK and its allies crossed 100 seat leading, Kalaignar TV stopped its updates. Now the channel is telecasting Maanada Mayilada dance programme.