சட்டசபை சிபிஎம் தலைவராக ஆர்.செளந்தரராஜன் தேர்வு

Published: Sunday, May 15, 2011, 16:49 [IST]

Subscribe to Oneindia Tamil

சென்னை : சட்டசபை சிபிஎம் தலைவராக ஆர்.செளந்தரராஜன் தேர்வு செய்யப்பட்டுள்ளார்.

தமிழக சட்டசபைத் தேர்தலில் 12 தொகுதிகளில் போட்டியிட்டு பத்து இடங்களை அள்ளியுள்ளது மார்க்சிஸ்ட் கம்யூனிஸ்ட் கட்சி. இக்கட்சியின் சார்பில் புதிதாக தேர்ந்தெடுக்கப்பட்ட எம்.எல்.ஏக்களின் கூட்டம் இன்று சென்னையில் கட்சியின் மாநிலச் செயலாளர் ஜி.ராமகிருஷ்ணன் தலைமையில் நடந்தது.

இக்கூட்டத்தில் சட்டசபை கட்சித் தலைவராக ஆர்.செளந்தரராஜன் தேர்வு செய்யப்பட்டார். துணைத் தலைவராக பாலபாரதியும், கொறடாவாக பாலகிருஷ்ணனும் தேர்வு செய்யப்பட்டனர்.

பின்னர் செய்தியாளர்களிடம் பேசிய ராமகிருஷ்ணன், தமிழக அரசின் நலத் திட்டங்கள், வளர்ச்சித் திட்டங்களுக்கு முழு ஆதரவு தருவோம். மக்கள் பிரச்சினைக்கு வழக்கம் போல குரல் கொடுப்போம். ஆக்கப்பூர்வமான எதிர்க்கட்சியாக நாங்கள் செயல்படுவோம் என்றார்.

Published On May 15, 2011